Keçmişimizi unutmayaq!
Məktəbimizdə 31 mart Azərbaycanlıların soyqırımı ilə bağlı tədbir keçirildi. Mart soyqırımı haqqında məktəbin direktoru T.Paşayeva, təlim-tərbiyə işləri üzrə direktor müavini B.Əbilova, tərbiyə işləri üzrə (təşkilatçı) direktor müavini M.Cəfərova, tarix metodbitləşmənin sədri E. Məmmədova mövzu haqqında tədbir iştirakçılarına ətraflı məlumat verdilər. Sonra şagirdlər öz çıxışlarında xüsusilə qeyd etdilər: Mart soyqırımı – 1918-ci ilin 30 mart və 3 aprel tarixləri arasında Bakı şəhərində və Bakı quberniyasının bölgələrində, eləcə də Şamaxı, Quba, Xaçmaz, Lənkəran, Hacıqabul, Səlyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələrinin azərbaycanlılara qarşı törətdikləri qırğın. Rəsmi mənbələrə əsasən soyqırımın nəticəsində 12 minə yaxın azərbaycanlı qətlə yetirilmiş, on minlərlə insan itkin düşmüşdür. 1919 və 1920-ci ilin mart ayının 31-i iki dəfə Azərbaycan Xalq Cumhuriyyəti tərəfindən ümummilli matəm günü kimi qeyd edilmişdir. Azərbaycan Prezidenti Heydər Əliyevin 26 mart 1998-ci il tarixli sərəncamı ilə 31 mart Azərbaycanlıların Soyqırımı Günü elan edilmişdir.
Tədbirin sonunda videoçarx nümayiş olundu.