VALİDEYNİN MƏKTƏBDƏ BİR GÜNÜ LAYİHƏSİ HƏYATA KEÇİRİLDİ
F.Rzayev adına 150 nömrəli tam orta məktəbdə "Valideynin məktəbdə bir günü" layihəsi həyata keçirildi. Layihə çərçivəsində 12 fevral I-IV siniflər, 14 fevral V-VIII siniflər və 19 fevral IX-XI siniflər üçün təlimata uyğun olaraq valideynlərlə görüşlər təşkil olundu. Əvvəlcə valideynlər məktəblə əyani şəkildə tanış oldular, məktəbin direktoru, direktor müavini, psixoloqu, həkimi, kitabxanaçısı və pedaqoji kollektivi ilə ünsiyyət qurdular. Sonra övladlarının dərslərini dinlədilər və sonda məktəbin akt zalında təşkil olunmuş tədbirin bədii hissəsinə tamaşa etdilər. Layihə hər kəs tərəfindən maraqla qarşılandı.
