APREL DÖYÜŞLƏRİ öz qələbəsilə tarixləşdi
"Aprel döyüşləri dövlətimizin və ordumuzun gücünü,
xalqımızın birliyini, həmrəyliyini və vətənpərvərliyini
nümayiş etdirmişdir! "
İlham əLİYEV
Məktəbdə Azərbaycan tarixinin qəhrəmanlıq salnaməsinə qızıl hərflərlə yazılan "Aprel döyüşləri" nin ildönümü qeyd olundu.Tədbir məktəb direktoru Q.Sultanova, tərbiyə işlər üzrə direktor müavini K.Mirzəliyeva,məktəbin tarix müəllimi M.Nəzərova, ibtidai sinif müəllimi C.Novruzova,GÇH rəhbəri Z.Qarayev, məktəbin 4b , 6b , X və XI sinif şagirdlərinin iştirakı ilə təşkil olundu.Tədbiri giriş sözü ilə açan məktəbin tarix müəllimi M.Nəzərova Azərbaycanın zəfər tarixinə "Aprel döyüşləri" kimi daxil olmuş bu qələbə haqqında geniş məlumat verdi, hərbi vətənpərvərlik tərbiyəsinin təbliğində Aprel döyüşlərinin xüsusi rolunu qeyd etdi. Daha sonra 6b sinif şagirdləri "Aprel döyüşləri"ndə şəhid olmuş qəhrəman oğullarımız- məktəbimizin məzunu,Milli Ordumuzun palkovnik leytenantı Sənan Axundov, hərbi pilotlar Ürfan Vəlizadə,Təbriz Musazadə və Abubəkr İsmayılov,kəşfiyyatçı, Milli Qəhrəman Samid İmanov haqqında məlumat verdilər. Məktəbin 4b sinif şagirdlərinin ifasında vətənpərvərlik şeirlərinin səslənməsi tədbirin bədii təsir gücünü daha da artırdı.Foyedə Aprel döyüşçülərinin xatirəsinə həsr olunmuş fotostendlər də nümayiş olunurdu.
Məktəb direktoru Qənirə Sultanova Aprel döyüşlərinin mahiyyətindən danışdı, onun hər bir Azərbaycan gəncinin qəlbində zəfər tacı qurduğunu xüsusilə vurğuladı. Azərbaycan Ordusunun gücünü, əzmini qeyd etdi. Bilik yarışında fərqlənən yuxarı sinif şagirdlərini fəxri fərmanlarla təltif etdi.
Tədbir hərbi marşın sədaları altında sona yetdi.
