Heydər Əliyev irsi: müstəqil dövlətçilik və müasirlik
141 saylı tam orta məktəbin 9- cu sinifi Azərbaycan xalqının ümummilli lideri, dünya səviyyəli siyasi xadim, çoxəsrlik dövlətçilik tariximizdə yeni parlaq səhifə açan nadir, bənzərsiz şəxsiyyət Heydər Əliyev haqqında açıq dərs hazırlayıblar. Açıq dərsdə tarixin yaddaşında əbədi iz qoyan, hər insana nəsib olmayan böyük xoşbəxtlikdən, Heydər Əliyev dövlətçilik irsindən danışılıb. Ulu öndər Heydər Əliyevin irsi milli sərvətimizdir. Heydər Əliyev keçdiyi böyük, mənalı və şərəfli həyat yolu zaman və məkan anlayışına sığmır. Vətəni, xalqı qarşısında misilsiz xidmətlərinə görədir ki, bu gün ümummilli lider Heydər Əliyevin anadan olmasının 99 ili ölkəmizin hər yerində və onun hüdudlarından kənarda hər bir azərbaycanlının yüksək ehtiramı və dərin minnətdarlıq hissi ilə geniş qeyd olunur.
