“Oxuyuruq, öyrənirik adlı tədbir keçirildi
Bu gün məktəbin ibtidai sinif müəllimi Ülviyyə Sofiyevanın rəhbərlik etdiyi 2”Ç” sinfi Beynəlxalq Oxu Günü münasibətilə “Oxuyuruq, öyrənirik” adlı tədbir keçirdi.
Tədbir Azərbaycan Dövlət Himni ilə açıldı. Himndən sonra uşaqlar mütaliənin insan həyatındakı mühüm rolundan söhbət açdılar.Sonra uşaqlar B.Vahabzadənin sözlərinə məktəbin musiqi müəllimi Xanım Zeynalovanın bəstələdiyi “Kitab”mahnısını, eləcə də “Göyərçin” və vətənə aid mahnılar ifa etdilər, Azərbaycan xalq nağılı olan“Cırtdan”, “Yeddi nar çubuğu” və “Turpun nağılı”nı səhnələşdirdilər.Azərbaycan xalq nağılı ilə bərabər, rus xalq nağıllarından ibarət səhnəcik də göstərdilər. Eyni zamanda S.S.Axundovun “Qaraca qız” hekayəsindən səhnəcik nümayiş etdirdilər.Sonra qızlardan ibarət rəqs qrupu“Nəlbəki” rəqsini təqdim etdi.
Daha sonra uşaqların müəllimləri Ülviyyə xanımla F.Köcərli adına Respublika Uşaq Kitabxanasına və Bakı Kitab Mərkəzinə etdikləri ekskursiya zamanı çəkdirdikləri fotoşəkillərdən ibarət videoçarx nümayiş etdirildi.
Sonda məktəbin direktoru Hürzad Verdizadə uşaqları hazırladıqları maraqlı tədbirə görə təbrik etdi, kitabların insan həyatına böyük təsirindən söhbət açdı, uşaqlara daima kitab oxumağı tövsiyə etdi.
