“Elimizə Novruz gəlir”adlı tədbir keçirildi
Məktəbin kimya müəllimi Solmaz Həsənovanın rəhbərlik etdiyi 7”B” sinfi xalqımıza və eləcə də bir çox türk xalqlarına mənsub olan Novruz bayramının gəlişinə həsr etdikləri “Elimizə Novruz gəlir” adlı tədbir keçirtdi.
Tədbir Azərbaycan Dövlət Himni ilə açıldı.Öncə Novruz bayramına həsr olunmuş teleçarx nümayiş olundu.Sonra uşaqlar “Bahar gəlir” mahnısını ifa etdilər. Şagirdlər Novruz bayramı, onun tarixi haqqında geniş məlumat verdilər.Türk xalqlarının ağsaqqalı Ozan Dədə Qorqud boy boyladı, Novruzun yaranma tarixindən də söhbət açdı.
Sonra tədbirə Novruzun əvəzolunmaz obrazları olan Kosa, Keçəl gəldi. Oyunlar, qaravəllilər nümayiş etdirdilər. Şagirdlər Novruz bayramının gözəl oyunlarından olan yumurta döyüşdürdülər. Qızlar “haxışta” dedilər, Novruza aid nəğmələr oxudular. Tədbirdə musiqisi məktəbin musiqi müəllimi, xor dərnəyinin rəhbəri Xanım Zeynalovaya aid olan “Novruz gəlir” adlı mahnı ifa olundu. “Bahar qız” öz gözəl sözləri ilə baharın gözəlliyindən danışdı, “Səməni” mahnısını oxudu.
Tədbirin sonunda məktəbin direktoru Hürzad Verdizadə də Novruz bayramı münasibəti ilə bütün məktəb kollektivini, eləcə də bütün türk dünyasını təbrik etdi və xoş arzularını dilədi.
Yallı rəqsi ilə tədbir sona çatdı
