“Vətənimizi tanıyaq!” adlı tədbir keçirildi
Nəsimi rayonu 14№li tam orta məktəbin tarix müəllimi Ləman Abbasovanın rəhbərliyi ilə 7”A,B” sinif şagirdləri Azərbaycanın qədim tarixi, elmi, mədəniyyəti, incəsənəti, məna və mahiyyəti, bayraqları və digər rəmzləri,dövlətçilik ənənələri, tarixi şəxsiyyətləri, zəngin təbiəti haqqında“Vətənimizi tanıyaq!” adlı tədbir keçirdilər.
Tədbir Azərbaycan Dövlət himni ilə açıldı.
Şagirdlər vətənə aid şeirlər söylədilər.Xorun ifasında “Bayrağına baxanda” mahnısı dinlənildi. Sonra 7”A” sinfi Qədim Azərbaycan dövlətləri, onların bayraqları, atributları haqqında geniş məlumat verdi.
Qədim dövlətlərin bayraqlarını əks etdirən slaydlar,sonra Azərbaycanın qədim dövlətlərindən bəhs edən teleçarx nümayiş olundu.
Xor “Azərbaycan-Türkiyə”, “Çırpınırdı Qara dəniz”, “Azərbaycana gəlsin” mahnılarını ifa etdi. Tədbir məktəbin direktoru Hürzad Verdizadənin çıxışı ilə sonlandı.Hürzad xanım şagirdlərə ölkəmizi tanımağı,sevməyi, keçmişini öyrənməyi, bu gününü mükəmməl bilməyi tövsiyə etdi.
