“Valideynin məktəbdə bir günü”

21 fevral 2019-cu il tarixdə 14№li tam orta məktəbdə Bakı şəhəri üzrə Təhsil İdarəsinin 28.01.2019-cu il tarixli F-66 nömrəli“Valideynin məktəbdə bir günü” adlı layihəsinin tətbiqi oldu.

Verilmiş əmrin icrası ilə bağlı saat 9:00-da akt zalında məktəbin direktoru  Hürzad Verdizadənin  2018/2019-cu tədris ilinin birinci yarımili ərzində görülmüş işlərə dair hesabatı dinlənildi. Hesabatda bu ilin “Təhsildə keyfiyyət ili”elan edilməsi vurğulandı. Yarımil ərzində tədris  planına uyğun olaraq, keçirilmiş nümunəvi dərslər, müxtəlif siniflərdə IX və XI siniflərdə  aparılan  monitorinqlərin təhlili müqayisəli verildi.I yarımilin yekununun müqayisəsi siniflər üzrə  reytinq cədvəli əsasında onlara çatdırıldı.

Məktəblinin dostu  layihəsinin  əməkdaşı  Aydın  Mirzəyev  valideynlərə  “Hiperaktivlik” mövzusunda  maarifləndirici məruzə ilə çıxış etdi.

Daha sonra valideynlər məktəbin  sinif otaqları, idman zalı və həyətyanı sahəsi  ilə tanış oldular, şagirdlərin əl işlərindən  ibarət  sərgiyə  baxdılar və  müxtəlif  dərsləri  müşahidə  etdilər.

Həmçinin valideynlər 21 Fevral Beynəlxalq Ana Dili Günü  ilə bağlı təşkil olunmuş  tədbirdə iştirak etdilər. Tədbirdə məktəbin müxtəlif siniflərindən olan şagirdlər çıxış etdilər.Gələn qonaqlar, eləcə də  məktəbin müəllim və şagird heyəti şagirdlərin çıxışında Ana dilinə aid məlumatlar, şeirlər,musiqilər,kəlam və aforizmlər dinlədilər Şagirdlər bir-birindən maraqlı səhnəciklər, rəqslər nümayiş etdirdilər

Tədbir “Azərbaycan – Odlar yurdum mənim” mahnısı ilə sona çatdı.

 Məktəbin direktoru Hürzad Verdizadə  də 21 Fevral Beynəlxalq Ana Dili Gününün mahiyyətindən,yaranma tarixindən məlumat verərək gənc nəslin üzərinə “dilimizi qoruyaq, sevək və daim ucalarda olması üçün əlimizdən gələni əsirgəməyək” kimi böyük və məsuliyyətli iş  düşdüyünü vurğuladı.

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM
  • Azərbaycan müəllimi qəzeti
  • Sabahın alimləri layihəsi