“Qanlı Yanvar” adlı tədbir keçirildi
Bu gün məktəbimizdə 20 Yanvar faciəsinə həsr olunmuş tədbir keçirildi.Tədbiri məktəbin ibtidai sinif müəllimi Mədinə Cəfərovanın rəhbərlik etdiyi 2”E” sinfi hazırlamışdı.
Tədbir Azərbaycan Dövlət himninin sədaları altında açıq elan olundu.Azərbaycanımızın azadlığı və bütövlüyü uğrunda həlak olmuş şəhidlərimizin ruhu bir dəqiqəlik sükutla yad edildi.
Şagirdlər 20 Yanvar faciəsindən, Sovet imperiyasının xalqımızın başına gətirdiyi müsibətlərdən söhbət açdılar, şeirlər söylədilər, vətənə həsr olunmuş mahnılar oxudular.Tədbirdə 20 Yanvar faciəsindən bəhs edən teleçarx və kompozisiya nümayiş etdirildi.Şagirdlərin Şəhidlər xiyabanını ziyarət etdikləri zaman çəkilmiş şəkillərdən ibarət videosu da göstərildi.
Tədbir “Vətən marşı” sədaları altında sona çatdı.
