“Ölkəmizi tanıyaq”devizi altında tur təşkil olundu
Azərbaycan Respublikasının Prezidenti cənab İlham Əliyevin tapşırığına əsasən 14-17 noyabr 2018-ci il tarixlərdə “Ölkəmizi tanıyaq” devizi ilə yeniyetmələrin respublikamızın müxtəlif rayonları ilə tanışlığı üçün növbəti maarifləndirici tur-aksiyası təşkil olunmuşdur.Bu tur-aksiyada Nəsimi rayon məktəblilərinin Gəncə-Şəmkir-Göygöl rayonlarına səfərləri ilə əlaqədar 14 noyabrda yola salınma mərasimi keçirildi.
Əvvəlcə tur-aksiya iştirakçıları Vaqif prospektindəki mövcud yaşıllıq zolağında həmişəyaşıl ağaclar əkdilər.Yola düşməzdən əvvəl Nəsimi rayon məktəbliləri ümummilli lider Heydər Əliyevin abidəsi önünə gül- çiçəklər düzərək ümummilli liderə, məktəblilərə göstərilən diqqət və qayğıya görə isə ölkə başçısı cənab İlham Əliyevə öz dərin minnətdarlıqlarını bildirdilər.
Sonra məktəblilər xatirə şəkilləri çəkdirmiş və Dövlət Yol Polisinin avtomaşınının müşayiəti ilə yola salındılar.
Qeyd edək ki,məktəbimizin də iki şagirdi seçilmiş məktəblilər arasında idi.Hər iki şagird 9”Ç” sinfində təhsil alır.Onlardan biri bir çox beynəlxalq layihələrdə truba musiqi aləti üzrə I yerləri qazanan Səid Rəsulov və digəri sinfin ən fəal şagirdlərindən olan Kamilla Şkolinadır.
