“Bayrağımız baş tacımız” adlı tədbir keçirildi
9 Noyabr Bayraq Günüdür.Bu münasibətlə məktəbimizdə Nailə Alıyevanın rəhbərlik etdiyi 7”A” sinfi “Bayrağımız baş tacımız” adlı tədbir hazırladılar.Tədbirdə azadlığımızın, müstəqilliyimizin bariz nümunəsi olan üçrəngli bayrağımızın tarixindən,eyni zamanda yarandığı gündən bu günə qədər ölkəmizdə yaranmış dövlətlər,onların atributu olan bayraqlar haqqında geniş məlumat verildi və həmin bayraqlar nümayiş etdirildi.Bayrağımıza bəstələnmiş mahnılar ifa olundu.
Onu da qeyd edək ki, məktəbimizin musiqi müəllimi Xanım Zeynalova bayrağımıza yazılmış şeirə mahnı bəstələmişdir.Şagirdlər bu mahnını tədbirdə ifa etdilər.
Tədbirdə Bayraq meydanının yaranmasından,bayrağın həcmindən və ölkəmizdə gedən yeniliklərdən bəhs edən teleçarx nümayiş olundu.Şagirdlər bayrağımızı təhqir etmiş ermənini öldürən hərbiçimiz Ramil Səfərovun qəhrəmanlığından söhbət açdılar.Qeyd etdilər ki,Ramilin bu hərəkətini nə qədirbilən xalqımız,nə də ki bu xalqın qeyrətli başçısı İlham Əliyev unutmadı. İlham Əliyev Ramili azadlığına qovuşdurdu,onu Bakıya gətirib,mayor rütbəsilə təltif etdi.
Məktəbin vokal qrupu “Çırpınırdı Qara dəniz” mahnısını ifa etdi. 2”Ç”sinif şagirdləri Dəniz və Duyğu bacı-qardaşları isə Azərbaycan xalq rəqsini nümayiş etdirdilər.
Tədbirdə 2016-cı ilin aprelində və 2018-ci ilin mayında Ali baş komandanımız İlham Əliyevin əmri ilə aparılan əks- həmlə əməliyyatları nəticəsində azad olunan torpaqlarımızdan
üçrəngli bayrağımızın şərəflə dalğalanmasından böyük sevinc hissi ilə söhbət açıldı. Tədbir“Heyratı” sədaları altında sona yetdi.
Məktəbin direktoru Hürzad Verdizadə Bayraq Günü münasibətilə bütün tədbir iştirakçılarını və xalqımızı təbrik edərək bu günün önəmindən danışdı.Qeyd etdi ki, biz cənab İlham Əliyevin ətrafında birləşərək bütün torpaqlarımızı işğaldan azad edəcəyik və müqəddəs bayrağımız o torpaqlarımızda vüqarla dalğalanacaqdır.
