Kimya dünyasına səyahət
Məktəbimizin kimya müəllimi Solmaz Həsənova 8-ci sinifləri arasında Azərbaycan kimya sənayəsinin inkişafı sahəsində olan yenilikləri,məlumatları çatdırmaq, şagirdlərin bu sahəyə olan marağını artırmaq məqsədilə Azərbaycan Xalq Cümhuriyyətini 100 iliyinə həsr olunan dörd mərhələdən ibarət yarış təşkil elədi.8 “A,B,C” sinif şagirdlərindən hər komandada səkkiz nəfər olmaqla qızlar və oğlanlar iştirak edirdilər.
Birinci mərhələdə komanda üzvləri hazırladıqları kimya sənayəsinə aid təqdimatları nümayiş etdirdilər,ikinci mərhələdə sual-cavab həyata keçirildi,üçüncü mərhələdə komandalar hazırlanan krassvordun cavablarını taparaq “Respublika” sözünü aldılar.Dördüncü mərhələdə komandalar kimya sənayəsinin müxtəlif sahələrinə aid olan təcrübələr həyata keçirdilər.
Dörd mərhələnin sonunda 8”B”sinif şagirdləri birinci yerə,8”C” sinif şagirdləri ikinci yerə,8”A” sinif şagirdləri isə üçüncü yerə layiq görüldülər,fəxri fərman və diplomlarla təltif olundular.
