“Möhtəşəm Qələbə”adlı tədbir keçirildi
Bu gün məktəbimizdə 9May Qələbə Günü münasibətilə tədbir keçirildi.Məktəbin sinif müəllimi Təravət Əsgərovanın rəhbərlik etdiyi 3”A”sinfi 9 May Qələbə Günü münasibətilə “Möhtəşəm Qələbə”adlı tədbir keçirdi.
Tədbirdə uşaqlar hərbi geyimdə çıxış etdilər.Vətənə,ordumuza aid şeirlər söylədilər,vətənpərvərlik ruhunda mahnılar oxudular.Şagirdlər ölməz şairimiz Əhməd Cəmilin “Can nənə,bir nağıl de!”əsərindən səhnəcik nümayiş etdirdilər.II Dünya müharibəsində böyük əziyyətləri olan tibb işçilərinin şərəfinə musiqi müəllimi Xanım Zeynalovanın rəhbərliyi altında sinif qızlarının hazırladığı rəqs nümayiş olundu.Oğlanlardan ibarət qrup “Vətən marşı”nı ifa etdi.Fatimə Qazıyeva pianoda sola ifa etdi.1”D”sinif şagirdi Gülər Xankişizadə tərəkəmə rəqsini oynadı,Nihal Bayramov,Qismət İsmayılov,Ənvər İbrahimov zərb alətlərində və sazda “Yanıq kərəmi”ni ifa etdilər. Şagirdlər tədbirin sonunda məktəbin həyətində qələbəyə aid şeirlər söylədilər,mahnılar oxudular,bayram münasibətilə havaya şar uçurtdular.
Tədbirdə şagirdlər ürək ağrısı ilə 8 May Şuşanın işğalından, ruh yüksəkliyi ilə isə 2 Aprel 2016-cı ildə döyüşlərdə ordumuzun qələbəsindən,erməni quldurlarından azad olunmuş torpaqlarımızdan söhbət açdılar.Söylədilər ki,gün gələcək,biz Şuşamızı və bütün işğal olunan torpaqlarımızı geri alacağıq.
Sonda 9 May Qələbə Gününə həsr olunan tort kəsildi,məktəbin direktoru Hürzad Verdizadə bu günün önəmindən söhbət açdı,bu gün münasibətilə uşaqları və bütün iştirakçıları təbrik etdi,bu “Qələbə” bayramının işğal olunmuş torpaqlarımızda keçirilməsini arzu etdi.
