“Qərənfil şəhid qanı” adlı tədbir keçirildi
20 Yanvar faciəsinə aid məktəbin kimya müəllimi Solmaz Həsənovanın rəhbərlik etdiyi 6”B”sinfi “Qərənfil şəhid qanı” adlı tədbir hazırladı.
Tədbir şəhidlərin ruhunun bir dəqiqəlik sükutla anılması ilə başladı.Ardınca 20Yanvar faciəsinə həsr olunmuş teleçarx nümayiş olundu.
Tədbirdə şagirdlər 20Yanvar faciəsinin baş vermə səbəblərindən,xalqın azadlıq mübarizəsini yerindəcə boğmaq üçün rus qoşunlarının əhaliyə divan tutmasından danışdılar,faciəyə aid şeirlər söylədilər,kompozisiya nümayiş etdirdilər.20 Yanvar faciəsində və Azərbaycanımızın azadlığı və müstəqilliyi uğrunda şəhid olmuş vətən övladlarına həsr olunmuş mahnılar oxudular,İlham və Fərizənin həyatından bəhs edən səhnəcik nümayiş etdirdilər.
Tədbirdə məktəbin direktoru Hürzad Verdizadə 20 Yanvar faciəsindən,orada həlak olan şəhidlərin qəhrəmanlığından söhbət açdı və onların həyat yollarının bütün gənc nəsil üçün örnək olmasını xüsusilə vurğuladı.
Tədbir Şəmistan Əlizamanlının “And içirik” mahnısı ilə sonlandı.
