“Bir kərə yüksələn bayraq bir daha enməz” şüarı altında açıq dərs keçirildi
Nəsimi rayonu 14№-li tam orta məktəbdə 8 noyabr 2017-ci il tarixdə sinif müəllimi Səbinə Ağayevanın rəhbərlik etdiyi 3ç sinfində 9 Noyabr Milli Bayraq Gününə həsr olunmuş açıq dərsi keçirildi.Dərs sözləri Məmmədəmin Rəsulzadəyə aid olan “Bir kərə yüksələn bayraq bir daha enməz” şüarı altında keçirildi.Dərsdə çoxlu tarixi faktlar qeyd edildi, riyaziyyat, texnologiya, musiqi fənləri ilə inteqrasiya yaradıldı.Şagirdlər rəngli kağızlardan bayraq hazırladılar, vətənpərvər mahnılar ifa etdilər.Azərbaycan Respublikasının Dövlət Bayrağını sinfə gətirən şagird Azərbaycanın Respublikasının Milli Qəhrəmanı Fəxrəddin Vəliyəddin oğlu Nəcəfovun qohumu idi.Zülfiyyə Xanbabayevanın “Azərbaycan” mahnısının sədaları altında dərs sona çatdı.
