Nəsimi rayonunda “İslam həmrəyliyi və milli-mənəvi dəyərlərimiz”adlı tədbir keçirilmişdir
“İslam həmrəyliyi ili”çərçivəsində Nəsimi rayonunda rayon icra nümayəndələrinin, qeyri- hökümət təşkilatlarının,təhsil,səhiyyə,mədəniyyət işçilərinin,rayon ərazisindəki dini icma rəhbərlərinin və İslam ölkələrinin səfirliklərinin nümayəndələrinin iştirakı ilə“İslam Həmrəyliyi və milli-mənəvi dəyərlərimiz”adlı tədbir keçirilmişdir.Tədbirdə həmçinin Azərbaycan Dövlət Neft və Sənaye Universitetində, Azərbaycan Tibb Universitetində, Bakı Slavyan Universitetində və Azərbaycan Dövlət Dillər Universitetində təhsil alan xarici ölkələrin tələbələri iştirak edirdilər.Tədbiri giriş sözü ilə açan Nəsimi rayon İcra Hakimiyyətinin Başçısı Asif Əsgərov tədbir iştirakçılarını salamlayaraq keçirilən tədbirin əhəmiyyətindən danışdı. Bildirdi ki, Azərbaycan Respublikasının Prezidenti cənab İlham Əliyevin 10 yanvar 2017-ci il tarixli Sərəncamı ilə 2017-ci il Azərbaycan Respublikasında“İslam həmrəyliyi ili”elan edilmişdir. Azərbaycan uzun illərdir ki, İslam sivilizasiyasının mərkəzlərindən biri olmuşdur. Tədbirdə 14№-li tam orta məktəbin 8b və 11c sinif şagirdləri Səfərov Hüseyn Asif oğlu,Səfərova Nərmin Asif qızı iştirak etdilər.Tədbirin sonunda İslam ölkələrinin milli rəqslərindən ibarət konsert təqdim olundu və xatirə şəkilləri çəkdirildi.
