“Keçmiş və gələcək arasında an” adlı tədbir keçirildi
Məktəbimizdə Anjela Əliyevanın rəhbərliyi ilə 2 ”d” sinif şagirdləri “Keçmiş və gələcək arasında an” adlı tədbir keçirtdilər. Şagirdlər “Vətən marşı” mahnısı altında səhnəyə çıxdılar və bayrağımızı qaldırdılar. Tədbirdə 9 May Qələbə Günü haqqında geniş məlumat verildi, videoçarxlar nümayiş etdirildi. Şagirdlər vətən haqqında şeirlər söylədilər, musiqi səsləndirdilər. Həmçinin, şagirdlər Böyük Vətən müharibəsi ilə bugünkü müharibəni müqayisə etdilər, ”Müharibəyə yox deyirik!” adlı səhnəcik göstərdilər. Aprel döyüşlərində ayağını itirən polkovnik- leytenant Elşən Əliyev tədbirimizin qonağı oldu. O, çıxışı zamanı uşaqlara aprel döyüşlərində baş verən hadisələrdən danışdı. Tədbirin sonunda məktəbimizin direktoru Hürzad Verdizadə çıxış edərək döyüşlərdə həlak olan şəhidlərimizin qanının yerdə qalmayacağını, hər zaman ürəklərdə yaşayacağını dönə-dönə vurğuladı.
