Musiqi məktəbinin 50 illik yubileyi qeyd olundu
M.Maqomayev adına Azərbaycan Dövlət Filarmoniyasında Bakı Şəhər Mədəniyyət və Turizm Baş İdarəsinin Ş.Ələkbərova adına 20 nömrəli musiqi məktəbinin 50 illik yubileyi qeyd olunub. Tədbirdə Bakı Şəhər Mədəniyyət və Turizm Baş İdarəsinin rəisi Vüqar Zeynalov, Nəsimi rayon İcra Hakimiyyətinin başçısı Asif Əsgərov, Asəf Zeynallı adına Musiqi Kollecinin direktoru Nazim Kazımov, Bakı şəhər uşaq musiqi və incəsənət məktəblərinin direktorları və digər qonaqlar iştirak ediblər. Musiqi məktəbinin istedadlı şagirdləri Ü.Hacıbəyli adına Azərbaycan Dövlət Simfonik Orkestri və dirijor xalq artisti Fəxrəddin Kərimovun müşayiəti ilə geniş konsert proqramı təqdim ediblər. Şagirdlər içərisində Nəsimi rayonu 14 nömrəli tam orta məktəbin yetirmələri də var idi. Onlardan Xeyri Məmmədli və Səid Quliyev tarda, Lalə Gözəlova pianinoda, Səid Rəsulov isə trubada çıxış ediblər.
