Qarabağ döyüşlərinin iştirakçısı İbad Hüseynovla görüş keçirildi.
Məktəbimizdə vətənpərvərlik, tərbiyəni gücləndirmək zəminində bir sıra tədbirlər keçirilir.Bu mövzuda məktəblilərlə “Azərbaycan bayrağı"ordeni ilə təltif olunan,Qarabağ döyüşlərində qəhrəmanlıq göstərən İbad Hüseynovla görüş keçirildi.Qəhrəman məktəbin həyətində əllərində bayraqlar tutmuş şagirdlər tərəfindən təntənə ilə qarşılandı.Məktəbin direktoru H.N.Verdizadə akt zalında İbad Hüseynovu və onunla bərabər gəlmiş qonaqları-İbad Hüseynovun qəhrəmanlıqlarından bəhs edən “Xüsusi təyinatlı İbad” adlı filmin rejissoru-Natiq Novruzovu, prodüseri –Rəşad Nurini və İbad surətini canlandıran aktyoru –Elçin Məmmədlini salamladı, bu görüşün önəmindən danışdı. Sonra İbad Hüseynovdan bəhs edən teleçarx göstərildi.Teleçarxdan sonra məktəblilər Azərbaycan və ingilis dilində İbad Hüseynovun keçdiyi həyat yolundan , qəhrəmanlıqlarından bəhs edən məlumatlar,qəhrəmanlığa, vətənə aid şeirlər Sonra söz qəhrəman İbad Hüseynova verildi. O,çıxışında Qarabağ uğrunda gedən döyüşlərdə şərəflə iştirak etdiyini və hər bir gənc vətəndaşını-azərbaycanlını hər nə qədər çətin olsa da, döyüş əzmindən əl çəkməməyə,həmişə inamlı addımlarla irəliyə doğru getməyə ruhlandırdı. Ardınca İbad Hüseynova həsr olunmuş “Xüsusi təyinatlı İbad” filmi nümayiş olundu. Filmdən sonra zaldan İbad Hüseynova,filmin rejissoruna, prodüserinə və aktyoruna film haqqında suallar verildi. Böyük maraq və coşqu ilə suallar cavablandırılandan sonra İbad Hüseynov görüşün təşkil olunmasında əziyyət çəkən başda Hürzad xanım olmaqla,hər bir kəsə öz təşəkkürünü bildirdi.
