20 Yanvar şəhidləri yad edildi
Yanvarın 19-da 14 nömrəli tam orta məktəbin 8b sinfində I dərs 20 Yanvar şəhidlərinin əziz xatirəsinə həsr olundu. Dərs Dövlət Himninin səslənməsi ilə başlandı. Himn səsləndikdən sonra məktəbin Azərbaycan dili və ədəbiyyat müəllimi Samirə Dadaşova 20 Yanvar-Ümumxalq Hüzn Günü haqqında məlumat verdi. Daha sonra sinif şagirdlərindən Aytən Baxışzadə və Orxan Qasımov 20 Yanvar hadisələri haqqında hazırladıqları təqdimatı təqdim etdilər. Dərsin gedişatında Ş.Ramin, M.Rəvan və Ə. Rəvan 20 Yanvar faciəsinə həsr olunmuş şeirlər söylədilər. Dərsin sonunda şagirdlərin ifasında həmin faciəni özündə əks etdirən səhnəcik nümayiş etdirildi. Daha sonra məktəbimizin 10c sinif şagirdləri bu mövzuya həsr olunmuş dəyirmi masa keçirdilər. Onu da qeyd edək ki, 1b sinif şagirdləri sinif rəhbərinin təşkilatçılığı ilə Şəhidlər xiyabanını ziyarət etmişlər.
