“Multikulturalizm və Azərbaycan” mövzusunda tədbir keçirildi.
Noyabrın 30-da məktəbdə “Multikulturalizm və Azərbaycan” mövzusunda tədbir keçirildi. Məktəbin foyesində şagirdlərin müxtəlif əl işlərindən ibarət rəngarəng sərgi təşkil olunmuşdu. Nəsimi Rayon İcra Hakimiyyətinin Başçısı Asif Əsgərov və digər qonaqlar sərgi ilə tanış olduqdan sonra zala daxil oldular.Tədbir Azərbaycan Respublikasının Dövlət himni ilə başladı. Məktəbin direktoru Verdizadə Hürzad Nurullah qızı tədbiri açıq elan etdi, qonaqları salamladı, tədbirin rəsmi və bədii hissələrdən ibarət olduğunu qeyd etdi. Daha sonra məktəbin müəllimləri “Multikulturalizm və Azərbaycan”,“Azərbaycanda Multikulturalizm və tolerantlıq”, “Multikulturalizm və adət-ənənələrimiz”,“Multikulturalizm və dünya dinləri”,“Multikulturalizm və insan hüquqları”, “Multikulturalizm – birgə yaşayışın ən ali forması və Azərbaycanda həyat tərzi” mövzusunda məruzələrlə çıxış etdilər. Tədbirin bədii hissəsində isə qonaqlar şagirdlərin təqdimatında milli və dünya ölkələrinin mahnılarını dinləyib, rəqslərinə tamaşa etdilər.
