"Bir kərə yüksələn bayraq, bir daha enməz!" adlı tədbir keçirildi
Noyabrın 8-də məktəbdə Zülfiyyə Əhmədovanın rəhbərliyi ilə "Bir kərə yüksələn bayraq, bir daha enməz!" adı altında Bayraq Gününə həsr olunmuş tədbir keçirildi. Tədbir himnin müşayiəti ilə başladı.Tədbirdə B.Vahabzadənin "Bayraq", H.Cavidin "Al bayrağa", Ə.Cavadın "Azərbaycan bayrağına" şeirləri səsləndi. Musiqi müəllimi Xanım Zeynalovanın müşayiəti ilə sözləri Vüqar Əhmədin, musiqisi Nailə Mirməmmədlinin olan "Azərbaycan türk bayrağı" mahnısı ifa olundu.Məktəbin rus bölməsinin 4 d sinif şagirdləri rus dilində bayrağa həsr olunmuş şeirlər səsləndirdi. Tədbir 9 a sinif şagirdi Məmmədova Rufinanın bayrağa həsr etdiyi "Bayrağım qürurum mənim" başlıqlı essenin təqdimatı ilə sona çatdı.
