Sadıqov Rasim Mayıl oğlu
Sadıqov Rasim Mayıl oğlu 1964-cü il avqust ayının 26-da Əzizbəyov(Xəzər) rayonunda anadan olmuşdur. 1972-1982-ci illərdə Binə qəsəbəsi 136 №-li məktəbdə təhsil almışdır.
Məktəbdə oxuduğu illərdə nümunəvi şagird olmuş, müəllimlərin və şagirdlərin hörmətini qazanmışdır. Məktəbi bitirdikdən sonra 1982-1984-cü illərdə SSRİ Silahlı qüvvələrinin tərkibində Almaniya Demokratik Respublikasında hərbi xidmətdə olmuşdur. Hərbi xidmətdən qayıtdıqdan sonra Bakı-Politexnik Texnikumuna daxil olmuşdur. Oranı bitirdikdən sonra Zığ qəsəbəsində yerləşən tikiş fabrikində texnik kimi işə qəbul olunmuşdur.
1990-cı ildə Qanlı 20 Yanvar hadisələrinin şahidi olmuşdur. Bu hadisələr zamanı mitinqlərdə müntəzəm iştirak etmişdir. Qarabağın işğalından sonra könüllü olaraq, 1992-ci ildə Azərbaycan Respublikasının Silahlı Qüvvələrində xidmətə etmişdir. 8 avqust 1992-ci ildə Ağstafa rayonu Köhnə Qışlaq kəndi uğrunda gedən döyüşlərdə qəhrəmancasına həlak olmuşdur.
1994-cü ildən təhsil aldığı Xəzər rayonu 136 №-li tam orta məktəbə Rasim Mayıl oğlu Sadıqovun adı verilmişdir.