Dilimizi sevək, sevdirək
21 fevral Beynəlxalq Ana Dili Günü münasibəti ilə məktəbin Azərbaycan dili və ədəbiyyat müəllimi Vəliyeva Vəfa VI"a" sinfinin şagirdləri ilə birgə "Dilimizi sevək, sevdirək" adlı ədəbi-bədii kompozisiya keçirdi.
Uşaqlar dilimizin tarixi, şirinliyi haqqında fikir mübadiləsi apardılar. Əcnəbi sözlərlə birlikdə işləndikdə dilimizin gözəlliyinə xələl gəlməsi barədə fikir yürütdülər. Tədbirdə dil haqqında aforizmlər söylənildi.
Azərbaycanın görkəmli şairləri- Bəxtiyar Vahabzadə, Nəbi Xəzri, Zəlimxan Yaqub, Qənbər Şəmşiroğlu və Tofiq Bayramın ana dilinə həsr olunmuş şeirləri şagirdlər tərəfindən səsləndirildi.
