I sinfə uşaqların elektron qeydiyyatı davam edir
2019-2020-ci tədris ili üçün elektron sistem vasitəsilə dövlət ümumi təhsil müəssisələrinin I sinfinə şagird qəbulu davam edir.
Ümumi təhsil məktəblərinin I siniflərinə martın 13-dən başlamış qəbul prosesi www.mektebeqebul.edu.az saytı vasitəsilə aparılır.
Martın 11-dən başlayaraq məktəbəhazırlıq qruplarında təhsil alan uşaqlar avtomatik olaraq hazırlıq keçdikləri məktəblərin birinci siniflərinə qəbul olunurlar.
Təhsil nazirinin imzaladığı əmrə əsasən, 2019-2020-ci dərs ilində Bakı ilə yanaşı, Gəncə, Sumqayıt, Mingəçevir, Şirvan, Naftalan şəhərləri, Abşeron, Samux, Yevlax rayonları üzrə ümumi təhsil məktəblərində I sinfə şagird qəbulu elektron sistem vasitəsilə həyata keçirilir. Həmin rayonlarda yerləşən məcburi köçkün məktəblərinin I siniflərinə qəbul da elektron sistem vasitəsilə aparılılır.
Qeydiyyat valideynin (qanuni nümayəndənin) özü tərəfindən onlayn və ya müəyyən olunmuş məktəblərdə yaradılmış Alternativ Qeydiyyat mərkəzlərində həyata keçirilir. Bakı üzrə valideynlərə kömək məqsədilə 50 Alternativ Qeydiyyat Mərkəzi yaradılıb. Bu məkrəzlərdən biridə Sabunçu rayonun Maştağa qəsəbəsində yerləşən N.Nərimanov adına 128 N-li tam orta məktəbdir.Qeydiyyat başladığı gündən 13mart-29 mart tarixlərində məktəbdə 221 valideynə övladının qeydiyyata alınması və məktəblərə sorğuların yerləşdirilməsində köməklik göstərilmişdir.
