Şagirlərimiz Bakı Olimpiya Stadionunda
Böyüməkdə olan gənc nəslin idmana marağı gündən-günə artır. Məktəbli şagirdlərin müxtəlif növ idman yarışlarında,müsabiqələrdə,olimpiadalarda fəal iştirakı onların idmana olan böyük maraq və məhəbbətlərindən irəli gəlir.Bu marağı artırmaq imkanı məktəbdə keçirilən fiziki tərbiyə dərslərində də vardır.
15dekabr 2017-ci il tarixdə məktəbin IV “c” sinif şagirdlərinin bir qrupu Bakı Olimpiya Stadionuna ekskursiya etdilər.Burada onları stadionun rəhbərliyi qarşıladı.Onlara bildirildi ki, Bakı Olimpiya Stadionu 69.870 tamaşaçı tutumlu, UEFFA, FİFA və IAAF-nın yüksək beynəlxalq standartlarına uyğun dizayn edilib və tikilib. Azərbaycandakı ən böyük stadiondur.Stadionla tanışlıqdan sonra bu stadionun inşaasına həsr edilmiş sənədli filmə tamaşa etdilər.Sonra isə onlar günün ən sevincli anlarını yaşadılar:belə ki,stadionda futbolçuların geyinib-soyunma otağında oldular və onlara müxtəlif futbol geyimləri nümayiş olundu.
Sonda stadion rəhbərliyi onlara məşhur futbolçuların imzalı şəkillərini hədiyyə verdi.
