Zəfər günü
Binəqədi rayonu Z.Məmmədov adına 103 nömrəli məktəbdə məktəbin tərbiyə işləri üzrə direktor müavini Rüstəmova Fatimənin və məktəbin 6c sinif rəhbəri Babayeva Səbuhənin təşkilatçılığı ilə silsilə Zəfər tədbirləri keçrilmişdir. Tədbirlərdə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edilib, Azərbaycanın tarixinə qızıl hərflərlə yazılmış Zəfər Günü barədə şagirdlərə ətraflı məlumat verilib. Vətən Müharibəsində qabaqcıl hərbi texnika və texnologiyalardan məharətlə istifadə edən Azərbaycan Ordusunun dünya hərb tarixində yeni səhifə yazması barədə söhbət açılıb. Möhtəşəm qalibiyyətin əldə edilməsində müasir hərbi biliklərə və döyüş bacarıqlarına sahib, qəhrəman Azərbaycan əsgər və zabitlərinin mühüm pay sahibi olduğu diqqətə çatdırılıb.6c sinif şagirdləri Zəfər nəğmələri, şeirlər səsləndirblər.
