98 №-li tam orta məktəb

    Azərbaycanın Milli Qəhrəmanı İlqar Mirzəyev adına tam orta məktəbin ibtidai siniflərində böyük söz ustadımız Məhəmməd Füzuliyə həsr olunmuş fakultativ dərslər keçirildi. Dərslərdə Məhəmməd Füzuli haqqında məlumatlar verildi, videoçarxlar nümayiş etdirildi. Şagirdlər Məhəmməd Füzulinin əsərlərini səhnələşdirdilər. 

    23.04.2024-cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin akt zalında 6A sinif şagirdlərinin iştirakı ilə Məhəmməd Füzuliyə həsr olunmuş tədbir keçirildi. Tədbirdə şairin həyat və yaradıcılığı haqqında geniş məlumat verildi. Şagirdlər Məhəmməd Füzulinin "Meyvələrin söhbəti" poemasından meyvələrin dialoqunu canlandırdılar. 

    Sonda 7B sinif şagirdi Aygün Məmmədzadə "Şəbi-hicran" musiqisinin sədaları altında rəqs ifa etdi.

    25.04.2024-cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin kitabxanasında Azərbaycan dili müəllimi Nəzirə Nəbiyevanın, kitabxana müdiri Ülkər Əhmədovanın və 10-11-ci sinif şagirdlərinin iştirakı ilə dahi şairimiz Məhəmməd Füzulinin anadan olmasının 530 illik yubileyinə həsr olunmuş bilik yarışı keçirildi. Yarışda şagirdlərdən Zeynəb İbrahimova, Mədinə Məmmədova, Ziba Hüseynli, Nigar Seyidzadə, Məryəm Rəhmanova və Sehri Hüseynova iştirak etdilər. Onlar Məhəmməd Füzulinin həyat və yaradıcılığına həsr olunmuş 15 açıq sualı cavablandırdılar.

    25.04.2024-cü il tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin kitabxanasında Azərbaycan dili müəllimləri Sədaqət Cəfərovanın, Sevil Rəhimovanın, Nəzirə Nəbiyevanın , kitabxana müdiri Ülkər Əhmədovanın təşkilatçılığı və 5-11-ci sinif şagirdlərinin iştirakı ilə Məhəmməd Füzulinin anadan olmasının 530 illik yubileyinə həsr olunmuş şeir müsabiqəsi keçirildi. Müsabiqədə şagirdlərdən Mədinə Məmmədova, Azad Lətifov, Zəhra Abdullazadə, Nihad Xanverdiyev, Sevinc İsazadə, Xədicə Məmmədli, Gülgəz Əmirxanova, Vəsmə Şahverdiyeva, Mələk Əliyeva və Zəhra Ələkbərova iştirak etdilər. Onlar M. Füzulinin "Məni candan usandırdı", "Gecələr", "Ey könül, yarı istə, candan keç", "Bağa gir, bülbülü, ərzi-gülü rüxsar eylə", "Əqli yar olsaydı" qəzəllərini səsləndirdilər. Şagirdlərdən Mələk Əliyeva, Vəsmə Şahverdiyeva, Zəhra Abdullazadə və Mədinə Məmmədova final mərhələsinə keçdilər. Sonda müəllim və şagirdlərin rəyi nəzərə alınaraq Vəsmə Şahverdiyeva qalib oldu.

    Son zamanlar  dünyanın bütün ölkələrində  təhsil müəssisələrində müşahidə olunan ən qabarıq problemlərdən biri təhsilalanların təzyiq və aqressiv davranışların hədəfi olmasıdır. Onlardan biri son vaxtlar leksikonda  yer almış bullinqdir .

    Bu məqsədlə,  24.04.2024 tarixində Azərbaycanın Milli Qəhrəmanı İlqar Mirzəyev adına 98 nömrəli tam orta məktəbin psixoloqu Ramilə Teymurova 5-6-7- ci sinif şagirdlərinə “Bullinq nədir?” başlığı altında seminar təşkil etmişdir.Seminarda mövzu ilə əlaqəli slayd göstərildi və şagirdlərin sualları  cavablandırıldı.