53 №-li tam orta məktəb

Son zamanlar şagirdlər arasında bullinq halları, biri-birilərinə qarşı xoşagəlməyən davranışlarla rastlaşırıq. Bunun əsas səbəbi şagirdlər arasında münasibətlərin düzgün tənzimlənməməsidir.

Təhsilalanlar arasındakı münasibətlərin düzgün tənzimlənməsi, məktəblilərin psixoloji vəziyyətinin nəzarətdə saxlanılması məqsədilə aprelin 18-i məktəbin psixoloqu Raidə İmanova tərəfindən 5ğ sinfində “Kim Kimdir?” adlı sorğu keçirilib. Bu sorğu vasitəsilə şagirdlərin bir-birlərinə qarşı həm neqativ, həm də pozitiv münasibəti araşdırılacaq və neqativ halların qarşısının alınması üçün lazımi tədbirlər görüləcək.

Şagirdlərin öz maraq və qabiliyyətlərinə uyğun peşələr seçməsinin təmin edilməsində ən mühüm rol məktəblərdə peşəyönümü  xidmətinin üzərinə düşür. Elə bu məqsədlə aprelin 18-i məktəbin psixoloqları Bənövşə Cabbarova və Raidə İmanova IX sinif şagirdləri ilə “Düzgün peşə seçimi” mövzusunda dəyirmi masa keçirib.

Psixoloqlar bildiriblər ki, “Peşəyönümü anlayışı” şagirdlərin müxtəlif peşələri tanımasına və öz xüsusiyyətlərinə uyğun peşələr seçməsinə, onları seçdiyi peşələrə hazırlamasına və peşəkarcasına inkişaf etməsinə yardım xidmətləri kimi ifadə edilə bilər. Şagirdlər özlərinə ən uyğun peşəni seçə bilmələri üçün ilk növbədə, öz maraq və qabiliyyətlərini tanımalıdırlar. Orta məktəb şagirdlərinin yeniyetməlik dövründə verdikləri qərarları daim dəyişmək meyli onların hansı peşəni seçəcəkləri ilə bağlı qərarlarına da təsir edir. Peşə seçimi  ilə bağlı verəcəkləri səhv qərarların həyatlarına necə təsir edəcəyindən danışan psixoloqlar müxtəlif peşələr və peşə məktəbləri haqqında şagirdlərə ətraflı məlumat və lazımi tövsiyyələr verib.

Sonda şagirdləri maraqlandıran suallar cavablandırılıb.

Aprelin  18-də  Beynəlxalq  Abidələr  və  Tarixi  Yerlər  Günü ilə  əlaqədar təşkil olunmuş “açıq  qapı” günündə məktəbin 5c sinfinin sinif rəhbəri Şölə Şükürova şagirdləri ilə Yasamal   rayon   Heydər   Əliyev  Mərkəzinə   ekskursiya   edib. 

Şagirdlər  Mərkəzin  Muzey,  Kitabxana və  İnformasiya  Texnologiyaları bölmələri  ilə tanış olub. Burada  onlara  Mərkəzin  bələdçiləri  tərəfindən  Azərbaycan  xalqının ümummilli   lideri   Heydər  Əliyevin  şərəfli  ömür  yolu,  ölkəmizin   tərəqqisi   uğrunda   göstərdiyi   çox  saylı   xidmətləri   özündə  əks  etdirən  eksponat,  fotoşəkillər   və   kitablar   haqqında   ətraflı   məlumat   verilib.

2024-cü ilin ölkəmizdə “Yaşıl dünya naminə həmrəylik ili” elan edilməsi haqqında sərəncamın icrası ilə əlaqədar aprelin 18-i 1d sinfinin sinif rəhbəri Gülüsüm İsmayılova öz şagirdləri ilə məktəbin həyətində müxtəlif növ ağac və gül kolları əkib.

Müəllimə şagirdlərinə təbiətin qorunmasına töhfə verməyin, ətraf mühiti sağlamlaşdırmağın, yaşıllıqları artırmağın əhəmiyyəti haqqında məlumat verib, onlara güllərin əkilməsində köməklik edib və bitkilərə qayğı göstərməyin yollarını izah edib.

Respublikamızın prezidenti Cənab İlham Əliyevin müvafiq sərəncamı ilə 2024-cü il ölkəmizdə “Yaşıl dünya naminə həmrəylik ili” elan edilib.

Sərəncama Əsasən “Yaşıl dünya naminə həmrəylik ili” səviyyəsində, məktəbin şagirdləri arasında yaş səviyyəsinə uyğun olaraq maarifləndirici tədbirlər təşkil olunur.

Məktəbin 4a sinfinin sinif rəhbəri Rəvanə Babayeva azyaşlıların canlı təbii obyektlərə emosional münasibətinin formalaşdırılması məqsədilə şagirdləri arasında “Yaşıl dünya ilə tanış olaq” mövzusunda maarifləndiricici söhbət aparıb. Müəllimə şagirdlərə bitkilərə qulluq haqqında danışıb, onlara necə qulluq edilməsi haqında məlumat verib. Dərsin sonunda uşaqlar böyük həvəslə sinifdəki bitkillərə qulluq edib, su verib və onların qayğısına qalıblar.