35 №-Lİ TAM ORTA MƏKTƏB

 Məktəbin Mülki Müdafiə tədbirlər planına müvafiq bu gün Mülki Müdafiə Gününə həsr edilmiş tədbir təşkil olundu. Tədbirdə məktəb rəhbərliyi, hərbiləşdirilməmiş Mülki Müdafiə dəstələri, manqa komandirləri, üzvləri və şagirdlər iştirak edirdi.
 Tədbirdə Mülki Müdafiə haqqında şagirdlərə və iştirakçılara geniş məlumat verildi. Sonda II, V və VI sinif şagirdlərinin MM tədris planına uyğun bilikləri və dərslərin keçirilməsi müşahidə edildi

 Məktəbin direktoru, şagirdləri öz müəllimləri ilə millət vəkili Fazil Mustafanın mənzilində yaratdığı kitabxananı ziyarət edib. Məktəbilərin bu təşəbbüsünü alqışlayan Fazil Mustafa deyib ki, bu cür ziyarətlər gələcəkdə onların da öz mini-kitabxanalarının yaranmasına səbəb olacaq. Fazil Mustafanın bu günkü faydalı addımı şagirdlərin yaddaşından silinməyəcək. Çətin həyat yolu keçərək böyük uğurlara imza atmış millət vəkilinin intellektual inkişafında kitabın rolu danılmazdır.

  Silahlı Qüvvələrin Təlim və Tədris Mərkəzində respublika üzrə ümumtəhsil məktəblərinin X sinif şagirdləri arasında təşkil olunmuş “Şahin” hərbi-idman oyunlarının final yarışı keçirilib. Yarışlara “Sıra hazırlığı” mərhələsi ilə start verilib. Oyunun əsasnaməsinə uyğun olaraq yarış 8 mərhələ üzrə keçirilib və Cəmşid Naxçıvanski adına Hərbi Liseyin zabitlərindən ibarət yaradılmış Hakimlər Heyəti tərəfindən komandaların nəticələri qiymətləndirilib.Məktəbin şagirdləri hərbi- idman oyunlarında iştirak etdilər, yüksək ruh yüksəkliyi ilə fəallıq göstərdilər. 

Bu gün məktəbdə ibtidai siniflər üzrə metodbirləşmə rəhbəri Yasəmən Bayramovanın təşkilatçılığı ilə " Təlim nəticələrinin çıxardılması" mövzusunda metodiki görüş keçirildi.Mövzu haqqında G.Bağırova məlumat verdi.İbtidai sinif müəllimləri L.Paşayevanın və G. Xudiyevanın fikirləri dinlənildi.