324 №-li tam orta məktəb

  Məktəbin tərbiyə işləri üzrə direktor müavini Məmmədova Solmaz 25.04.2024- cü il tarixdə  yuxarı sinif şagirdlərlə "Məhəmməd Füzuli-530"- cu illiyinə həsr olunmuş qəzəl müsabiqəsi keçirtdi. O çıxış edərək qeyd etdi ki, Məhəmməd Füzuli istedadlı nümayəndələri ilə tanınan bütöv bir ədəbi məktəb formalaşdırmışdır. Öz müasirlərindən başlayaraq, sonrakı dövrlərdə Füzuli ənənələrinin davamçısı olmuş bütün görkəmli sənətkarlar bu nəhəng söz ustasının adını hər zaman ehtiramla yad etmişlər.  

  Məktəbin direktor və müavinləri munsiflər idi. Ən yaxşı qəzəl çıxış edənlər "Təltifnamə" ilə mükafatlandı.

 24.04.2024- cü il tarixdə məktəbin ədəbiyyat müəllimi Xalıqova Mehri 7,8- ci siniflərlə Məhəmməd Füzulinin 530- cu ildönumünə həsr olunması ilə əlaqədar " Dəyirmi masa" keçirtdi.

  Dəyirmi masada məktəbin Dl ədəbiyyat m7əllimləri çıxış etdilər onlar görkəmli şair haqqında ətraflı məlumat verdilər.Sonra şagirdlər M.Füzulinin qəzəllərindən ibarət videofilm izlədilər.

  Sonda məktəbin direktoru çıxış edərək,şair haqqında şagirdlərlə diskussiya kecirtdi. O qeyd etdi ki,Məhəmməd Füzuli anadilli poeziyanın mükəmməl nümunələrini yaratmış, Azərbaycan bədii dilini daha da zənginləşdirərək yeni zirvəyə yüksəltmişdir. Onun parlaq dühasının təcəssümü olan və bu gün də sevilə-sevilə oxunan əsərləri yarandığı ilk vaxtlardan geniş coğrafiyada yayılmış və müəllifinə böyük şöhrət qazandırmışdır.

  Məktəbin ədəniyyat müəllimi Hüseynova Sevinc 9- cu siniflərdə 23.04.2023- cü il tarixdə " Məhəmməd Füzuli-530" illiyinə həsr olunmuş sinif təşkilat saatı keçirildi.

  Müəllim görkəmli Azərbaycan şairi haqqında geniş məlumat verdi. O qeyd etdi ki,Məhəmməd Füzuli Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli sənətkardır. Hərtərəfli biliyə malik mütəfəkkir kimi onun həyata, insana dərin məhəbbət aşılayan və daim gözəllik duyğusu ilə, ülvi ideallarla yaşamağa çağıran çoxcəhətli bədii-fəlsəfi irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir.

  Şagirdlərin biliyinin artırılması məqsədilə onlar dahi şair haqda bir neçə videofilmlər izlədilər.

Məktəbin ədəbiyyat müəllimi Xalıqova Mehri 7- ci siniflərlə " Dünya ədəbiyyatının görkəmli nümayəndəsi

Nizami Gəncəvinin və digər dahi Azərbaycan şairvə mütəfəkkirlərinin əsərlərində ətraf mühitin qorunması" ilə bağlı 16.04.2024- cü il tarixdə ""Dəyirmi masa" keçirtdi. Müəllim şagirdlərə görkəmli şairlərin fikirlərinin təbliğ edilməsi haqqında danışdı.Sonra şagirdlər görkəmli xadimlərdən hazırladıqları səhnəcikləri nümayiş etdirdilər. Onlar mövzu ilə əlaqədar videofilm izlədilər.Tədbirin sonunda məktəbin direktoru çıxış edərək şagirdlərlə diskussiya apardı.

 Maarifləndirici tədbirlərin aparılması məqsədilə 8- ci siniflərdə 18.03.2024- cü il tarixdə məktəbin biologiya müəllimi Məmmədova X. və psixoloq Ələkpərova R. "Zərərli vərdişlər.Alkoqolizm və narkomaniya" mövzusu ilə bağlı tədbir keçirildi.

 Tədbirdə məktəbin bioloqu şagirdlərə zərərli vərdişlərin törədə biləcəyi faktlardan danışdı. O qeyd etdi ki,Narkotiklər – ilk növbədə sinir hüceyrələrini zədələyən və insan orqanizmini bərpa olunmaz şəkildə dağıdan zəhərli maddələrdir; digər zəhərli maddələrdən fərqlənən bu maddə qısamüddətli, hətta
birdəfəlik qəbuldan sonra kəskin fiziki və psixi asılılıq yaradır. Bu zəhərli maddələrdən bəzilərinin mənfi təsiri qısamüddətli sevindirici sərxoşluq (eyforiya, “kef”) vəziyyətidir. Bu vəziyyət daha sonra
boşluq, ətrafdan narazılıq (daxildə və ətrafda boşluq), depressiya hissi ilə əvəz olunur.

Psixoloq şagirdlərə mövzu ilə əlaqədar videofilm göstərdi.