323 №-li tam orta məktəb

"Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində "Məktəblərdə Məhəmməd Füzuli ayı" layihəsinə start verildi. 
   
   Layihə çərçivəsində Azərbaycan dili və ədəbiyyat müəllimi Həsənova Almara müəllimənin rəhbərliyi altında 11-ci sinif şagirdləri ilə dahi şairimiz M.Füzulinin "Leyli və Məcnun" əsəri üzrə debat keçirildi. 
Debatda "Leyli və Məcnun" əsəri üzrə ortaya iki arqument qoyulmuşdur.
1.O dövr üçün mədəni gerilik zəmanə ilə ayaqlaşmalıdır.
2.Heç də o dövr üçün mədəni gerilik zəmanə ilə ayaqlaşa bilməz.

Debatda məktəbin direktoru Qasımova Xəyalə, təlim-tərbiyə işləri üzrə direktor müavini Ağamalıyeva Səidə, təşkilatçı müavin Qasımova Məlahət müəllimə də iştirak edirdilər. Debatda şagirdlərin yaradıcılığı, fəallığı, istedadı və dünyagörüşü izlənildi.

Layihənin məqsədi məktəblilər arasında milli-mənəvi dəyərləri təbliğ etmək, dahi şairin zəngin ədəbi-bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxarmaqdır.

   XI siniflər üzrə Buraxılış İmtahanının nəticələrinə əsasən məktəbimizin

11"A" sinif şagirdi Mustafayeva Nəzifə məktəb üzrə ən yüksək nəticə- 294.6 bal toplayıb.

Nəzifəni, məktəb kollektivi adından təbrik edir, növbəti imtahanında uğurlar arzu edirik.

8, 9, 16 aprel 2024-cü il tarixlərində məktəbin psixoloqu Məlahət Qasımlı və biologiya müəllimi Esmira İbrahimova 8-ci siniflərdə "Erkən nikahın fəsadları" və IX siniflərdə "Qohumlararası nikahların fəsadları" mövzusunda məşğələ keçiriblər.
VIII sinif şagirdləri məşğələnin sonunda erkən nikah anlayışını şərh edib, ailə və onun funksiyaları ilə bağlı fikirlərini əsaslandırıb, erkən ailə qurmağın fiziki, psixoloji və maddi problemlərini izah ediblər.
IX sinif şagirdləri isə qohumlararası nikahların səbəblərini aydınlaşdırır və  yarana biləcək fəsadlarını şərh ediblər.

   Azərbaycan Respublikasında 2024-cü ilin  "Yaşıl dünya naminə həmrəylik ili" elan edilməsi ilə bağlı Məktəbəqdər və Ümumi Təhsil üzrə Dövlət Agentliyinin Tədbirlər Planına uyğun olaraq məktəbin coğrafiya müəllimi Fidan Əbdüləlizadə tərəfindən 09.04.2024-cü il tarixində 
 9 "A" və"B" sinif şagirdlərinin iştirakı ilə "Yaşıl dünya naminə" adlı əlavə məşğələ təşkil edilib.
Məqsəd şagirdlərin ölkəmizdə ətraf mühitin sağlamlaşdırılması yaşıllıqların bərpası və artırılması, su ehtiyatlarının və dayanıqlı enerji mənbələrindən istifadənin təmin olunması istiqamətində aparılan işlər haqqında maarifləndirilməsidir.

  01.04.2024-cü il tarixində Bakı Şəhər İcra Hakimiyyətinin təşəbbüsü və Xəzər Rayon İcra Hakimiyyətinin təşkilatçılığı ilə Mərdəkan qəsəbəsində yerləşən S.Rüstəm adına Xarici  Dillər Təmayüllü gimnaziyada “Heydər Əliyev və Azərbaycan tarixi” mövzusunda elmi-praktik konfrans keçirilmişdir. 

  Konfransda məktəbimizin 11"A" sinif şagirdi Mustafayeva Nəzifə Emin qızı iştirak edərək  "Azərbaycan Səlcuq İmperiyasının tərkibində" mövzusunda hazırladığı referatla çıxış edib.
 
  Şagirdimiz “Heydər Əliyev və Azərbaycan tarixi”adlı elmi-praktik konfransda  fəal iştirakına görə Xəzər Rayon İcra Hakimiyyəti tərəfindən Təşəkkürnamə ilə təltif olunub. 
Şagirdimizi təbrik edir, uğurlar arzulayırıq.