31 №-li tam orta məktəb

Şagirdlərin asudə vaxtlarını səmərəli təşkil etmək, həmçinin onların dünyagörüşünü, bilik və bacarıqlarını artırmaq məqsədilə Heydər Əliyev Mərkəzinə ekskursiya həyata keçirildi.Ekskursiya Heydər Əliyev irsinin öyrənilməsi, yeni nəslin milli-mənəvi dəyərlər və ənənələrə bağlı ruhda böyüməsi, Azərbaycan və dünya tarixi, mədəni və elmi-texniki tərəqqi barədə biliklərinin artırılması məqsədlərinə xidmət edir.

Məktəbdə ADPU-nin tarix fənni üzrə təcrübəçiləri Mərdan Əliyev,Aygün İbrahimli,Samir Rzayev və Nahid Əhmədovun təşkilatçılığı ilə ,,Yaşıl dünya naminə həmrəylik ili"nə həsr olunmuş komandalar arası bilik yarışı keçirildi.Yarışın keçirilməsində məqsəd şagirdlərin öyrəndikləri bilikləri möhkəmləndirmək və tarix fənninə marağın artırılmasıdır.

Yarışın sonunda qalib komanda məktəb rəhbərliyi tərəfindən təltif olundu.

BŞTİ-nin yeni "Yeniləşən məktəb" adlı pilot layihəsinə əsasən fəaliyyət planında nəzərdə tutulmuş peşə seçimi təlimlərinə məktəbimizin 9 və 10-cu sinif şagirdləri cəlb olundu.İlk öncə şagirdlərə peşə yönümü haqqında geniş məlumat verildi,suallar cavablandırıldı."Peşə seçimi" haqqında sorğu aparıldı.Təlim “Dərs evi” tədris mərkəzinin dəstəyi ilə həyata keçirildi.

Məktəbin illik Fəaliyyət Planına əsasən II-IV siniflərdə şagirdlərin oxu, yazı və riyazi hesablama bacarıqlarının yoxlanılması məqsədilə məktəb rəhbərliyi tərəfindən monitorinqlər keçirilir.

29 mart 2024-cü il tarixində "31 mart Azərbaycanlıların soyqırım günü”nə həsr olunmuş tədbir keçirildi.Tədbirdə azərbaycanlıların kütləvi surətdə qırğını, repressiyalara məruz qalması haqqında danışıldı, soyqırıma həsr olunmuş videoçarx nümayiş olundu.Şagirdlərin ifasında bədii kompozisiya təqdim edildi.