303 №-li ümumi orta məktəb

“Yaşıl dünya naminə həmrəylik ili” ilə əlaqədar VI^a sinif şagirdləri məktəbin həyətyani sahəsində iməcilik etdilər. Məktəbin həyətyani sahəsini tullantılardan təmizlədilər, açıq idman meydançasını alaq otlarından təmizlədilər, gül-çiçəyə  qulluq edib, ağaclara su verdilər.

 Tədqiqatlara əsasən dünyada orta hesabla 20-24 yaş arasında olan hər üç qadından biri 18 yaşına çatmamış ailə qurur, bu cür qızların üçdə biri 15 yaşına çatmamış nikaha sövq edilir. Uşaq nikahı əsas insan haqlarının pozulması deməkdir və qızların həyatının bütün aspektlərinə mənfi təsir göstərir.

  Erkən nikahlar qızları usaqlıq çağından məhrum edir, onlar zorla təhsildən kənar qalırlar. Həmçinin erkən nikah irsi xəstəliklərə səbəb olur, sağlamlıq imkanları məhdud uşaqlar doğulur. Eyni zamanda fiziki, psixoloji sağlamlığa zərbə dəyir. Bu da sosial cəhətdən hassas qrupların sayının artması ilə nəticələnir.

   Yuxarıdakı fikirləri nəzərə alaraq məktəbin VIII-IX sinif şagirdləri arasında erkən və qohumlararası nikahların qarşısının alınması məqsədilə “Erkən nikahın fəsadları” mövzusunda seminar təşkil edildi.

Seminarda “Ümumi təhsil müəssisələrinin VIII-IX siniflərində reproduktiv sağlamlıq mövzusunda məşğələlər üzrə metodik vəsait” dən istifadə olundu. Bununla yanaşı şagirdlərə maarifləndirici video-çarx nümayiş etdirildi, məktəbin psixoloqu mövzu ilə əlaqədar ətraflı və geniş məlumat verdi. Şagirdlərlə “Erkən nikahların meydana gəlməsinin sosial-psixoloji səbəbləri”ni araşdırmaq üçün diaqnostik sorğudan istifadə edildi.

Tədbirin sonunda şagirdləri maraqlandıran suallar cavablandırdı.

Akademik Zərifə Əziz qızı Əliyevanın 15 aprel anım günü ilə əlaqədar şagirdlərə görkəmli elm xadimi Zərifə xanım Əliyevanın həyatı və elmi fəaliyyətini əks etdirən sənədli filmlər və video-çarxlar nümayiş etdirildi.

  Tədbirdə Sevil xanım Əliyevanın anasının xatirəsini əbədiləşdirən “Əziz ana” bəstəsini Azər Zeynalovun ifasında şagirdlər dinlədi.

  14.03.2024-cü il tarixdə məktəbin psixoloqu İ.N.Paşayeva “Fəaliyyət planı”nın 1.1.16 bəndinə əsasən yeniyetmələr arasında narkomaniya və zərarli vərdişlərə meyllərin, hüquq pozuntuları və cinayətkarlıq hallarının qarşısının alınması istiqamətində “Zərərli vərdişlər! Alkoqolizm və Narkomaniya” adı altında VIII sinif şagirdləri ilə maarifləndirici seminar təşkil etdi.

    Seminarda şagirdlərə alkoqolizmin və narkotik-psixotrop maddələrin sağlamlığa vurduğu ziyan izah edildi, video-çarxlar nümayiş etdirildi. Şagirdlərə aslılığın diaqnostikası məqsədilə “Aslılıq” testi işlədildi. Şagirdləri qruplara bölərək “Problemlər ağacı” və rollu oyun, iş-üsul və formalarından istifadə edildi.

 Seminarın sonunda şagirdləri maraqlandıran suallar cavablandırıldı.

Valideynlərin məktəbə və pedaqoji prosesə münasibətinin öyrənilməsi və “Uşaqların disponserizasiyası haqqında”, “İcbari tibbi müayinələrin keçirilməsi qaydası”nın təşkili məqsədilə məktəbin 5^a sinfində sinif rəhbəri N.A.Əmikişiyevanın təşkilatçılığı ilə 29.03.2024-cü il tarixdə valideyn iclası keçirildi.