30 №-Lİ TAM ORTA MƏKTƏB

    V.Əzizov adına 30 nömrəli tam orta məktəbə yeni direktor Poladova Mehriban Tahir qızı təyin olunub. BŞTİ-nin müdir müavini Anar Məmmədov yeni direktoru məktəb kollektivinə təqdim edərək ona bu çətin və məsuliyyətli işində uğurlar arzulayıb. Təqdimatda Binəqədi RİH-nin baş məsləhətçisi Leyla Quliyeva da iştirak edib. Mehriban xanıma yeni iş fəaliyyətində uğurlar arzulayırıq.

    16.04.24- cü il tarixdə məktəbin Azərbaycan dili və ədəbiyyat müəllimi Gülnar Həşimova 7a sinfində "Dünya ədəbiyyatının görkəmli nümayəndəsi N.Gəncəvinin və digər dahi Azərbaycan şair və yazıçıların əsərlərində ətraf mühitin qorunması" mövzusunda açıq dərs keçirildi. Şairin "Xəmsə"sinə daxil olan poemalardan nümunələr söylənilməklə təbiətin qorunmasına yönəlmiş fikirlər müzakirə olundu.

    Tətil günlərində məktəblilərin asudə vaxtının təşkili çərçivəsində VIIb sinif şagirdləri sinif rəhbəri Aksana Ağazadənin rəhbərliyi ilə iki muzeyi ziyarət etmişlər. İlk ekskursiya dünyada ilk olan “Suraxanı” gəmi muzeyinə olmuşdur. Məktəblilər bələdçi vasitəsi ilə gəmidəki eksponatlarla tanış olmuş,interaktiv oyunlarda iştirak etmiş,virtual reallıqla qarşılaşmışlar. Eyni zamanada xalqımızın müasir tarixini əks etdirən video-təqdimata tamaşa etmişlər.

    İkinci muzey isə “Yarat” yaradıcılıq mərkəzinə olmuşdur. Burada həm yerli,həm də gürcü rəssamlarının sərgiləri nümayiş olunur. Məktəblilər böyük maraqla sərgilərə baxmış, müzakirələr aparmışlar.

    09.04.2024-cü il tarixdə məktəbin həyətində VII b sinif şagirdləri və fənn müəllimi Aksana Ağazadənin rəhbərliyi ilə E.Hüseynbəylinin “Nəvə”əsərini açıq havada müzakirə ediblər. Şagirdlər dərslikdəki tapşırıqları yerinə yetirmiş, Kamal obrazı haqqında qənaətlərini bildirmişlər.

    2016-cı il aprelin 1-dən 2- nə keçən gecə Azərbaycan və Ermənistan Silahlı Qüvvələrinin Qondarma Dağlıq Qarabağ Respublikasının hərbi birləşmələri arasında münaqişə baş vermiş və Azərbaycan Silahlı Qüvvələrinin qələbəsi ilə nəticələnmişdir.

    5 aprel tarixində məktəbdə 2c sinif müəllimi Elnarə Mərdanovanın təşkilatçılığı ilə Aprel döyüşlərinə həsr olunan "Zəfərə aparan yol" adlı tədbir təşkil olundu. Tədbirdə ilk öncə şagirdlərə 1-4 aprel 2016-cı ildə Milli Ordumuzun əks hücumu zamanı əsgərlərin göstərdikləri şücaətlərdən bəhs olunan videoçarx nümayiş etdirildi.

Daha sonra şagirdlər Aprel döyüşləri haqqında məlumatlar verdi, şeirlər söylədilər.