295 №-li tam orta məktəb

25.04.2024 tarixində "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində “Məktəblərdə Məhəmməd Füzuli ayı” cərçivəsində məktəbimizin 10 a sinif şagirdləri ilə ədəbiyyat dərsində Məhəmməd Füzuli haqqinda sənədli film izləndi.Dərs şagirdlərin Məhəmməd Füzuli haqqında məlumatları ilə yekunlaşdı.

    Bakı şəhəri 295 nömrəli tam orta məktəbdə Dahi Azərbaycan şairi "Məhəmməd Füzulinin 530 illiyinə" həsr olunmuş dəyirmi masa keçirildi. Dəyirmi masada iştirak edən şagirdlər dahi şairin zəngin ədəbi -bədii irsi,eyni zamanda, həyat və yaradıcılığından bəhs edən maraqlı söhbətlər etdilər. Həmçinin şagirdlərin ifasında şairin qəzəl və şeirləri dinlənildi.

    Riyaziyyat fənnindən növbəti nümunəvi dərs keçirildi.

    Məktəbin İllik Tədbirlər Planına əsasən ibtidai sinif müəllimi Hüseynova Aidənin 1b sinfində " Uzunluğun ölçülməsi. Santimetr" mövzusunda nümunəvi dərsi keçirildi.

Mövzu üzrə dərsin məqsədi, standartlara uyğunluğu, müəllimin fəalliyyəti və qiymətləndirmənin məqsədə uyğunluğu direktor müavini Xalidə Ağayeva tərəfindən qiymətləndirildi.

    Sonda təşkil olunmuş müzakirədə məktəbin direktoru Dilarə Cəbrayılova və dinləyici qismində çıxış edən müəllimlər müəllim-şagird münasibətlərini, müəllimin dərs zamanı təşkil etdiyi fəaliyyəti təhlil etdilər.

Məktəbin İllik Tədbirlər Planına əsasən Məhəmməd Füzulinin 530 illik yubileyi ilə əlaqədar olaraq tədbir keçirildi.

4a sinif şagirdləri məktəbin Şəhid məzunları Rəhimov Yalçının və Hüseynov Xaliqın ev muzeyində olublar. Xatirə şəkilləri çəkdiriblər.