281 №-li tam orta məktəb

    Dərin məna tutumu, bəşəri və humanist ideyalara, bütövlükdə işıqlı fikirlərinə görə əbədiyaşar söz sənətkarlarından biri olan Məhəmməd Füzuli ədəbiyyatın əsaslı söz sahiblərindən biridir. Bədii-elmi irsi illərlə öz dəyərini görmüş, mədəniyyət sahələrinin müxtəlif qollarında toxunduğu bütün mövzuların aktuallığına görə unudulmamışdır. Bu gün məktəbin Azərbaycan dili və Ədəbiyyat müəllimi Ülviyyə Əhmədovanın təşəbbüsü ilə məktəbin 8 e sinfində “Füzuli sənətkarlığı bədii, sənədli filmlərdə” nümayiş etdirildi. Şagirdlər tərəfindən “Leyli və Məcnun” poemasından epizodlar canlandırıldı, lirik şeirlər səsləndirildı.#virtualməktəb, #fəalməktəb

   Ədəbiyyat sarayının sütunlarından biri Füzulinin 530 illik yubileyi ilə bağlı ”Füzuli dünyası” adlı tədbirlər davam edir.

    Füzuli elə bir dünyadır ki, ondan söz açmaq bir aya, bir ilə bəs etməz. Ona bir ömür lazımdır. Biz də bu ömürdən bir gün qopardıq. Azərbaycan dili və ədəbiyyat müəllimi Zərövşən Qafarova 10 ç sinfinin Füzuli vurğunları ilə ”Şəbi-hicran yanar canım” adlı “Dəyirmi masa” keçirtdi. Şairin ömür və yaradıcılıq yoluna işıq salaraq fikir mübadiləsi apardılar. Böyük sənətkarın söz aləminə səyahət edərək qəzəllərindən nümunələr söylədilər. Poemaları və onların mövzularından danışan şagirdlər “Leyli və Məcnun” operasından parçaları izlədilər.

    Füzuli sənətinin nuru elə gurdur ki, əsrlər keçsə də, bu nurun şöləsi daha da parlayacaq.#virtualməktəb, #fəalməktəb

    "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində “Məktəblərdə Məhəmməd Füzuli ayı” layihəsinə start verilib. 18.04.2024-cü il tarixində layihə çərçivəsində tədbirlər planına uyğun olaraq məktəbin Azərbaycan dili və ədəbiyyat müəllimi Aynurə Əliyeva tərəfindən 5 a və 5 f sinif şagirdləri ilə "Füzuli dünyası" adlı intellektual bilik yarışı təşkil olundu. Şagirdlərə dahi Azərbaycan şairi Məhəmməd Füzulinin həyat və yaradıcılığı,əsərləri barədə suallar təqdim olundu.

    Layihənin məqsədi məktəblilər arasında milli-mənəvi dəyərləri təbliğ etmək, dahi şairin zəngin ədəbi-bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxarmaq idi. #virtualməktəb, #fəalməktəb

Kim bilir neçədir dünyanın yaşı,

Tarixin nə qədər yazısı vardır.

Hər saxsı parçası hər məzar daşı,

Nəsildən nəsilə bir yadigardır…

    Azərbaycan qədim tarixi abidələri ilə zəngin ölkədir. Keçmişimizi bu günə,bu günümüzü gələcəyə daşıyan memarlıq abidələrimiz tariximizin daş yaddaşıdır…

    18 aprel Beynəlxalq Abidələr və Tarixi Yerlər Günü münasibətlə məktəbin tarix müəllimi Aksana Usubaliyeva rəhbərlik etdiyi 8 f sinif şagirdləri ilə Şirvanşahlar Saray kompleksində oldular. XII əsrin yadigarı olan Qız Qalası, XV əsrin Şirvanşahlar Sarayı şagirdlərimizdə böyük marağa səbəb oldu.#virtualməktəb, #fəalməktəb

    18.04.2024-cü il tarixində məktəbin Azərbaycan dili və ədəbiyyat müəllimi Nərmin Novruzlunun təşkilatçılığı və 5 v sinif şagirdlərinin iştirakı ilə dahi Azərbaycan şairi Məhəmməd Füzulinin 530 illiyinə həsr olunmuş poeziya gecəsi keçirildi. Tədbirdə şairin məşhur poemalarından olan “Söhbətül-əsmar” əsərinin motivləri əsasında  səhnəcik, şairin məşhur qəzəlləri və Füzuli kantatası məktəblilərə təqdim olundu. Hazırlanmış ədəbi-bədii kompozisiyada duyğu dünyasının sonsuz çalarlarını, türk dilindəki bənzərsiz ifadəsini üzə çıxarmış Füzuli sənətinin böyüklüyü şagirdlərin ifasında dolğun şəkildə ifa olundu.#virtualməktəb, #fəalməktəb