269 №-li tam orta məktəb

      269 saylı tam orta məktəbin kitabxanasında Azərbaycan Respublikası Prezidentinin 25 yanvar 2024-cü il Dahi Azərbaycan şairi Məhəmməd Füzulinin 530 illiyinin qeyd olunması haqqında Sərəncamı ilə əlaqədar olaraq “Məhəmməd Füzuli - 530” adlı sərgi yaradılıb. Sərgidə Azərbaycan Respublikası Prezidentinin Sərəncamı, Azərbaycan bədii dilini daha da zənginləşdirərək zirvələrə yüksəltmiş Məhəmməd Füzulinin seçilmiş əsərləri, fotoşəkilləri, o cümlədən bir-birindən maraqlı və faydalı əsərləri yer alıb.

  Bildiyimiz kimi, Azərbaycan şairi və mütəfəkkiri Məhəmməd Füzulinin anadan olmasının 530 ili tamam olur: Bununla əlaqədar olaraq 269 saylı tam orta məktəbdə də, silsilə tədbirlər keçirilir. Bu tədbirlərdən biri də, məktəbin akt zalında məktəbin təşkilatçısı Vəkilova Nəzrinin təşkil etdiyi "Füzuli dünyası" debat idi. Məktəbin  Azərbaycan dili və ədəbiyyat müəllimi Əliyeva Cəmilənin iştirak etdiyi  debat şagirdlərə dahi şair Füzuli haqqında ətraflı məlumat verildi. O, bildirdi ki,  “Məhəmməd Füzuli Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli sənətkardır. Hərtərəfli biliyə malik mütəfəkkir kimi onun həyata, insana dərin məhəbbət aşılayan və daim gözəllik duyğusu ilə, ülvi ideallarla yaşamağa çağıran çoxcəhətli bədii-fəlsəfi irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir. Məhəmməd Füzuli anadilli poeziyanın mükəmməl nümunələrini yaratmış, Azərbaycan bədii dilini daha da zənginləşdirərək yeni zirvəyə yüksəltmişdir. Onun parlaq dühasının təcəssümü olan və bu gün də sevilə-sevilə oxunan əsərləri yarandığı ilk vaxtlardan geniş coğrafiyada yayılmış və müəllifinə böyük şöhrət qazandırmışdır”. Vurğulandı ki, Məhəmməd Füzuli istedadlı nümayəndələri ilə tanınan bütöv bir ədəbi məktəb formalaşdırmışdır. “Öz müasirlərindən başlayaraq, sonrakı dövrlərdə Füzuli ənənələrinin davamçısı olmuş bütün görkəmli sənətkarlar bu nəhəng söz ustasının adını hər zaman ehtiramla yad etmişlər. Füzulinin yubileyinin UNESCO tərəfindən qəbul olunmuş qərarla beynəlxalq səviyyədə layiqli şəkildə qeyd edilməsi milli mədəni dəyərlərin qorunmasına həmişə xüsusi diqqət və qayğı göstərmiş Ümummilli Lider Heydər Əliyevin adı ilə bağlıdır. Ölməz şairin 500 illiyi müstəqil Azərbaycan Respublikasında keçirilən ilk dünya miqyaslı möhtəşəm mədəniyyət və sənət bayramı olmuşdur.  Debat zamanı həmçinin Məhəmməd Füzuli ilə bağlı film izlənildi.
 

     Bildiyimiz kimi, "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində “Məktəblərdə Məhəmməd Füzuli ayı” layihəsinə start verilib. 269 saylı tam orta məktəbdə də,Azərbaycan dili və ədəbiyyat müəllimi Budaqova Kəmalənin rəhbərliyi altında  bununla bağlı "Füzuli 530" adlı nümunəvi tədbir keçirildi. Tədbirdə Füzuli yaradıcılığı və həyatı haqqında məlumat verilərək bildirildi ki, Məhəmməd Füzuli Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli sənətkardır. Hərtərəfli biliyə malik mütəfəkkir kimi onun həyata, insana dərin məhəbbət aşılayan və daim gözəllik duyğusu ilə, ülvi ideallarla yaşamağa çağıran çoxcəhətli bədii-fəlsəfi irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir. Məhəmməd Füzuli anadilli poeziyanın mükəmməl nümunələrini yaratmış, Azərbaycan bədii dilini daha da zənginləşdirərək yeni zirvəyə yüksəltmişdir. Onun parlaq dühasının təcəssümü olan və bu gün də sevilə-sevilə oxunan əsərləri yarandığı ilk vaxtlardan geniş coğrafiyada yayılmış və müəllifinə böyük şöhrət qazandırmışdır. Tədbirdə  şairin qəzəllərindən parçalar səsləndirib, eləcə də müxtəlif səpkili sullar cavablandırılıb. Daha sonra tədbir bədii hissə ilə davam edib. 

      Şagirdlərin ekoloji tərbiyəsini formalaşdırmaq,onların idrak fəallığını inkişaf etdirmək,ətraf mühit sahəsində bilikləri genişləndirmək və maraq oyatmaq məqsədilə 19 aprel tarixində Azərbaycan dili və ədəbiyyat müəlllimi Əhədova Şəfanə  tərəfindən  5"Ç" sinfində  "Dünya bizim evimizdir" (Ətraf mühiti qoruyaq) adlı tədbir  keçirilib. Tədbir “Yaşıl dünya namiinə həmrəy olaq” devizi altında keçirildi. Müəllim şagirdlərə məktəblilər arasında ekoloji maarifləndirməyə diqqətin artırılması, kağız israfını azaltmaq, təkrar emalı təşviq etmək yolu ilə ağacların qorunmasına, təbiətin mühafizəsinə və ekoloji balansın saxlanılmasına nail olunması, ətraf mühitin çirkləndirilməsinin qarşısının alınması, plastik qablaşdırma tullantılarının ətraf mühitə mənfi təsirinin minimuma endirilməsi baxımından onların səmərəli idarə olunması, tullantılara ikinci həyatın verilməsi və şagirdlərin asudə vaxtlarının səmərəli istifadəsinin təşkili, müasir ekoloji problemlərin yaratdığı fəsadlar, respublikamızda bu sahədə görülən işlər və hər bir vətəndaşın ətraf mühitin qorunmasındakı rolu barədə, eyni zamanda su ehtiyatlarının idarə olunması, sudan qənaətli və səmərəli istifadə ilə bağlı geniş məlumatlar verdi.  Həmçinin ətraf mühitin mühafizəsinə töhfə verməyin hər kəsin borcu olduğunu şagirdlərin diqqətinə çatdırıb. Şagirdlər mövzu ilə bağlı çıxışlar edib, sinifdə  müzakirələr təşkil olunub. Eyni zamanda  şagirdlər tərəfindən divar qəzetləri və müxtəlif əl işləri hazırlanıb. Hazırlanmış bütün təqdimatlar tədbir zamanı  nümayiş etdirilib.

Bakı Şəhəri üzrə Təhsil İdarəsinin tabeliyindəki ümumi təhsil müəssisələri üzrə I sinfə qəbul prosesində prioritet tətbiq olunacaq məktəblərin siyahısı açıqlanıb.

Belə ki, məktəblərə şagird qəbulu sərbəst formada və prioritetə (üstünlük hüququ) əsasən aparılacaq. Sərbəst formada şagird qəbulu aparılan məktəblərə valideynlər şəxsi kabinet vasitəsilə məktəb və müəllim seçimini birbaşa edəcəklər. Prioritet (valideyn və ya uşağın məktəbin müəyyənləşdirilmiş ərazisinə (dislokasiya) qeydiyyatı olmalı, bacı-qardaşı həmin məktəbdə hazırda təhsil almalı, valideynlərindən biri həmin məktəbdə çalışmalı) üzrə valideynlər isə ilk növbədə müəyyən edilmiş müddətdə (Azərbaycan bölməsi üzrə 3 may-3 iyun 2024-cü il, tədrisi digər dillərdə aparılan bölmələr üzrə isə 12 iyun-12 iyul 2024-cü il tarixlərində) üstünlük hüquqlarından biri əsasında  sorğu yerləşdirə bilərlər. Prioritetlərin tətbiqi yaşayış sıx olan ərazilərdə valideynlərin məktəb seçimini asanlaşdırmaq məqsədlərinə xidmət edir.

Qeyd edək ki, müvafiq müddət başa çatdıqdan sonra üstünlük hüququ tətbiq olunan məktəblərdə boş qalan şagird yerlərinə sərbəst qəbul (tədrisi digər dillərdə olan və müsabiqə yolu ilə qəbul aparılan liseylər istisna olmaqla) aparılacaq.

Məlum olduğu kimi, mayın 1-də 2024-2025-ci tədris ili üzrə ümumi təhsil müəssisələrinin birinci siniflərinə şagird qəbulu üzrə uşaqların qeydiyyatına www.mektebeqebul.edu.az elektron portalı vasitəsilə start veriləcək.

Prioritet tətbiq olunan məktəblərin siyahısı:

Azərbaycan bölməsi üzrə üstünlük hüququ tətbiq olunan məktəblər

Tədrisi digər dillərdə aparılan bölmələr üzrə üstünlük hüququ tətbiq olunan məktəblər