267 №-li tam orta məktəb

267 nömrəli məktəb-liseyin fizika müəllimləri Yaqubova Ülviyyə və Məmmədova Esmiranın təşkilatçılığı ilə məktəbin həyətində 7-ci sinif şagirdləri ilə görüş təşkil etdilər. Görüşdə məqsəd qravitasiyanın qarşılıqlı təsirini şagirdlərə mənimsətmək idi. Bunun üçün teleskopla ay və ulduzları müşahidə etdilər. Müəllimlər tərəfindən şagirdlərə məlumatlar verildi. Görüş şagirdlər tərəfindən çox maraqla qarşılandı.

14.04.2024 tarixində məktəbin psixoloqu Yəhyayeva Vüsalə tərəfindən 8-ci sinif şagirdləri ilə" Reproduktiv sağlamlıq"mövzusunda 4-cü məşğələ keçirildi. Məşğələnin məzmunu" Narkomaniya və alkoqolizm "idi. Qruplarla iş aparıldı.Sonda şagirdlərin düşüncə və münasibətləri müzakirə edildi.

Müqəddəs Ramazan bayramınızı təbrik edirik!

Ramazan mərhəmət, rəhmət, əfv ayıdır.

"Dəyərlərimizi qoruyaq" layihəsi çərçivəsində 09 aprel 2024 - cü il tarixdə "12 ayın sultanı - Ramazan" adlı ədəbi-bədii gecə təşkil olundu. Tədbiri məktəb-liseyin müəllimləri Səfərova Fərəh və Talıbova Sevda 7 və 8-ci sinif şagirdlərinin iştirakı ilə təşkil etdilər.

Qurani Kərimin nazil olduğu, günahların bağışlandığı, pis əməllərin islah olunduğu, Yaradanın mərhəmətinin, bu gözəl ayın fəzilətlərindən bəhs edən tədbirdə əvvəlcə Vətənimiz, torpaqlarımız, bayrağımız, dövlətimizin müstəqilliyi yolunda öz əziz canlarını qurban vermiş şəhidlərimizin əziz xatirəsi bir dəqiqəlik sükutla yad edilib. Müqəddəs Ramazan ayının fəzilətlərindən biri də dünyasını dəyişmiş, haqq yoluna getmiş əzizlərin xatirəsini yad etməkdir. Ona görə də İsmayılov Rahim əfəndi şəhidlərimizin ruhuna quran oxuyub, dualar edib, mübarək ruhlarına ehsan edib. Allah bütün şəhidlərə rəhmət etsin, ruhları şad, məkanları cənnət olsun.

Bayram münasibətilə təbriklər edilib, dünyamızın, dövlətimizin, ordumuzun, əsgər balalarımızın salamatlığı naminə xoş arzular söylənilib.

Ramazan bayramınız mübarək!

267 nömrəli məktəb-liseyin 5-ci sinif şagirdi Bənnayev Əkbər yığma komandanın heyyətində italiya Respublikasının Revanna şəhərində keçirilən Beynəlxalq futbol yarışında iştirak edib. Komanda qalib gələrək 1 -ci yerə layiq görülüb.