231 №-li tam orta məktəb

        18 aprel 2024-cü il tarixində sonuncu dərs saatı bitdikdən sonra Bakı Şəhəri üzrə Təhsil İdarısinin  “İdmansevərlər” layihəsi ilə bağlı Tədbirlər Planına uyğun olaraq idmana  marağı olan məktəbin oğlan şagirdləri arasında şəhid general-mayor Polad Həşimovun əziz xatirəsinə həsr olunmuş “ Ümumi fiziki hazırlıq” yarışı təşkil edildi. Yarışda Pirallahı rayon sakini veteran məşqçi, beşqat dünya çempionu Vahid Hüseynov və digər qonaqlar münsiflər heyəti qismində iştirak etmişdilər. Yarış himnin səslənməsi ilə açıq elan olundu. Sonra torpaqlarımızın ərazi bütövlüyü uğrunda gedən döyüşlərdə şəhidlik zirvəsinə ucalanların  əziz xatirəsi bir dəqiqəlik sükütla yad edildi.  Tədbirdə çıxış edən məktəbin direktoru Lamiyə Quliyeva və natiqlər torpaqlarımızın müdafiəsi uğrunda şəhid olmuş General-mayor Polad Həşimovun keçdiyi döyüş yolundan və Azərbaycanın 44 günlük müharibədə qazandığı qələbədən bəhs etmişdilər.
        Yarışın sonunda I-II-III yerin qaliblərinə diplomlar medallar təqdim olunub.

    Məktəbin kitabxana müdiri Mirzəhra Bayramovanın təşəbbüsü ilə  V, VI, VII sinif şagirdləri arasında İntellektual yarış təşkil edildi. Yarışda şagirdlər çox fəal iştirak ediblər. Komandalara təqdim olunan suallar Azərbaycan xalq mahnıları, şair və yazıçıları və dünyada baş verən müxtəlif hadisələri əhatə edib. Sonda yarışın qalibləri müxtəlif hədiyyələrlə mükafatlandırılıblar. Yarışın məqsədi şagirdlərin intellektual səviyyəsini və dünya görüşünü artırmaq, Azərbaycanımızın zəngin milli mədəniyyətini və tarixini təbliğ etməkdən ibarət olub.

Azərbaycan Respublikasının Təhsil İnstitutu və Azərbaycan Respublikasının Elm və Təhsil Nazirliyi tərəfindən 2024-cü ilin may ayında keçiriləcək IV sinifdə təhsil alan şagirdlərin tədris dili və riyaziyyat, VI sinifdə təhsil alan şagirdlərin tədris dili, riyaziyyat və təbiət fənləri üzrə səriştə əsaslı monitorinqin keçirilməsi nəzərdə tutulur. Monitorinqlər  IV sinifdə təhsil alan şagirdlərlə növbəti dəfə, VI sinifdə təhsil alan şagirdlərlə isə ilk dəfə keçiriləcək. 17 aprel 2024-cü il tarixində məktəbin Təlim-tərbiyə işləri üzrə direktor müavini Elza Cəfərova şagirdlərin  hazırlıq səviyyəsini yoxlamaq məqsədi ilə Azərbaycan dili, riyaziyyat, xarici dil və həyat bilgisi fənnindən məktəbdaxili monitorinq təşkil etdi.

    Buraxılış imtahanına sayılı günlər qalıb.  Məktəbin direktoru Lamiyə Quliyeva və təlim-tərbiyə işləri üzrə direktor müavini  Elza Cəfərova tərəfindən IX  sinif şagirdləri ilə maarifləndirici söhbət aparılıb, buraxılış vəqərləri çap edilərək hər bir şagirdə təqdim edilib lazımi tövsiyyələr verilib. Məktəb rəhbərliyi tərəfindən şagirdlə imtahanın keçiriləcəyi şəhər (rayon), bina, zal, imtahanın başlanma vaxtı və şagirdin imtahan binasına gəlmə vaxtı, həmçinin imtahanın keçirələcəyi binaya nələr gətirmək qadağandır və s. kimi ərtaflı məlumat verilib. Şagirdləri narahat edən suallar  cavablandırılıb. Onlarda qorxu və həyəcan yaşanarsa nə etməli olduqlarına dair tövsiyyələr verilib.

    Məktəb şagirdləri arasında sağlam həyat tərzi və reproduktiv sağlamlıq, eləcə də erkən və qohumlararası nikahların qarşısının alınması sahəsində maarifləndirmə işinin aparılması məqsədilə məktəbin VIII-IX siniflərində reproduktiv sağlamlıq mövzusunda məşğələlər davam  etdirilir. "Yeniyetmələrin sirrləri" və "Qohumlararası nikahların fəsadları" mövzusunda IX sinif şagirdləri ilə məşğələ keçirildi. Məşğələdə Məktəbdənkənar və sinifdənxaric tərbiyə işi üzrə təşkilatçı Vüsalə Alyarova, psixoloq Kübra Əliyeva və  Azərbaycan dili və ədəbiyyat müəllimi İlhamə Ağayeva mövzu ətrafında şagirdlərə ətraflı məlumat verdilər. Məşğələ şagirdlərlə diskusiya şəklində davam etdirildi. Şagirdləri maraqlandıran suallar cavablandırıldı.