214 №-li tam orta məktəb

Ölkəmizdə 2024-cü ilin "Yaşıl dünya naminə həmrəylik ili" elan edilməsi haqqında Azərbaycan Respublikası Prezidentinin Sərəncamı əsasında qlobal iqlim dəyişmələrinin fəsadlarına qarşı mübarizəyə öz töhfələrini vermələri məqsədilə şagirdlərə marifləndirici dərs keçilmişdir. Dərsin əsas məqsədi təbiətdə yaşıl bitkilərin əhəmiyyətini nəzərə alaraq onların qorunması və artırılmasının vacibliyini diqqətə çatdırmaqdır. Şagirdlər dərsdə aktiv iştirak etmiş, müxtəlif bitkilər əkərək yaşıl dünya naminə öz töhfələrini vermişlər.

"Yaşıl dünya naminə həmrəylik ili"nə həsr olunmuş layihə çərçivəsində tədbirlərimiz davam edir. Bu məqsədlə məktəbimizin 4ə sinif rəhbəri Olqa Danisovanın rəhbərliyi ilə məktəbin həyətyani sahəsində güllər əkdilər. Məqsəd şagirdlərin ekoloji maarifləndirilməsi, bu sahə üzrə biliklərinin və tədqiqatçılıq bacarıqlarının artırılması olmuşdur.

“Yaşıl dünya naminə həmrəylik ili” layihəsi əsasında məktəbin 2a sinif şagirdləri müəllimləri Naidə Hüseynovanın rəhbərliyi ilə təşkilat saatı keçiriblər. Təşkilat saatında yaşadığımız dünyanın, bizi əhatə edən maddi aləmin son dərəcə gözəl, zəngin və rəngarəng olmasından danışılıb. Qeyd edilib ki, təbiət bizim hamımızın anasıdır. Ona görə də biz insanlar təbiətə qayğı və məhəbbətlə yanaşmalı, planetimizin bitki örtüyünü - onun florasını və faunasını qorumalıyıq.

Həmçinin təşkilat saatında siniflərində göz oxşayan dibçəklərin həyatımızdakı rolundan və onlara necə qulluq etmək lazım olduğundan danışılıb. Daha sonra isə şagirdlər əldə etdikləri məlumatlar əsasında dibçəklərə qulluq ediblər.

16.04.2024-cü il "Yaşıl dünya naminə həmrəylik ili" ilə əlaqədər məktəbdə silsilə tədbirlər davam edir. ADPU-nin Texnalogiya fakultəsinin təcrübəci müəllimləri şagirdlərlə birlikdəməktəbin həyətyanı sahəsində olan ağac diblərini bellədilər, qurumuş ağac yarpaqlarını təmizlədilər. Ağacların gövdəsini əhənglədilər.

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 kimi mötəbər bir tədbirin Azərbaycanda keçirilməsi ilə əlaqədar iqlim dəyişikliyinə qarşı qlobal mübarizədə beynəlxalq həmrəyliyin gücləndirilməsi məqsədi ilə Azərbaycan Respublikası Prezidentinin 2023-cü il 25 dekabr tarixli 4233 nömrəli Sərəncamı ilə Respublikamızda 2024-cü il “Yaşıl dünya naminə həmrəylik ili” elan edilmişdir. Bu məqsədlə məktəbin həyətyanı sahəsində Xan cinar ağacları əkildi.