198 №-Lİ TAM ORTA MƏKTƏB

Aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (ICOMOS) təklifi ilə UNESCO tərəfindən 1983-cü ildə təsis olunub.

Bu gün Tarixi Yerlər və Abidələrin Mühafizəsi Şurasının təşkilatçılığı ilə Sabunçu rayonu ərazisində yerləşən Ramana qalasında da qeyd olundu. Ərazidə yerləşən bir neçə məktəbin, eləcə də 198 nömrəli tam orta məktəbin şagirdləri maraqlı proqramla tədbirdə çıxış etdilər.

Məktəbimizin 11-ci sinif şagirdlərinin buraxılış nəticələri məlum oldu. 4 şagirdimiz 250 baldan, 8 şagirdimiz 200 baldan, 17 şagirdimiz 150 baldan və 16 şagirdimiz isə 100 baldan yuxarı nəticə toplamışlar. Ən yüksək nəticəmiz isə 277 bal olmuşdur. Şagirdlərimizin hər birinə növbəti imtahan mərhələsində uğurlar arzulayırıq.

Məktəbimizin kimya və steam müəllimi Allahmanlı Fəxrənsə Qafqaz və Mərkəzi Asiya üzrə IB Dünya Məktəbləri Assosiasiyasının təşkil etdiyi 3-cü beynəlxalq "Təcrübə əsaslı Öyrənmə" konfransında iştirak etmişdir.

Bildiyimiz kimi, Məktəbəqədər və Ümumi Təhsil üzrə Dövlət Agentliyi tərəfindən mayın 18-də ümumtəhsil məktəblərinin IV sinif şagirdləri üçün monitorinq keçiriləcək. Şagirdlərin monitorinqdə uğurlu iştirakını təmin etmək və vaxtdan səmərəli iştifadəni təmin etmək məqsədilə IVB sinfində sınaq imtahan keçirildi. Həmçinin, sınaqdan əvvəl şagirdlərə cavab kartı ilə işləmə qaydaları da izah edildi.

Zərərli vərdişlər " Siqaret çəkmək " mövzusu haqqında maarifləndirmə işləri aparıldı. Mövzu dialoq, qrup işi şəklində həyata keçirildi.

Şagirdlər " Problemlər ağacı" na siqaret çəkməyin səbəbləri və nəticələri haqqında fikirlərini qeyd etdilər. Mövzu haqqında müzakirələr aparıldı, şagirdlərin sualları cavablandırıldı və uğurla tamamlandı.