193 №-li tam orta məktəb

16.04.2024-cü il tarixində "Qardaşlaşmış ölkələr" təşəbbüsü ilə "Dəyərlərimizi qoruyaq!" layihəsi çərçivəsində "Etwinning - əməkdaşlıq etdiyimiz ölkələr " adlı tədbir keçirildi. Tədbirdə şagirdlər Türkiyə, Portuqaliya, Almaniya, İtaliya, İspaniya və digər ölkələrin milli-mənəvi dəyərləri, adət-ənənələri haqqında məlumatları əks etdirən təqdimatlarla çıxış etdilər. Şagirdlərin çıxışlarından sonra məktəbin riyaziyyat-informatika müəllimi Günay Hüseynzadə  10dan çox beynəlxalq layihədə iştirak etdiklərini bildirdi. Hazırda 3 ildir ki, davam edən Dinamik həndəsə: Riyaziyyatın günəşli dünyası layihəsi haqqında məlumat verildi. Layihəyə qoşulan ölkələrin sayının ildən ilə artdığı vurğulandı. Bununla yanaşı Riyaziyyatçıların əlifbası, Dayanıqlı inkişafın riyazi həlləri layihələrindən bəhs edildi. Sonda müxtəlif ölkələrin milli- mənəvi dəyərlərindən bəhs edən yarış keçirildi. Yarışda ilk 3 yeri qazanan şagirdlər mükafatlandırıldı. Belə layihələrin şagirdlərdə əməkdaşlıq, ünsiyyət, tətbiqetmə, təhlil, araşdırma bacarıqlarını inkişaf etdirdiyi  deyildi. Tədbir iştirakçıların xoş təəssüratları ilə bitdi.

Məktəbin psixoloqu Mehparə Şirinova və UBTR -i Əminə Rəfiyevanın təşkilatçılığı ilə IX sinif şagirdləri ilə məlumatlandırıcı görüş keçirilib.Şagirdlərə peşə təhsili və onun önəmi, üstünlükləri haqqında məlumat verilib.Şagirdlərin peşə maraqlarını müəyyn etmək üçün onlarla psixoloji-pedaqoji test və sorğu keçirilib.Sonda mövzu ilə bağlı videosujet nümayiş etdirildi. Görüşün keçirilməsində məqsəd düzgün ixtisas və peşə seçimi, uğurlu karyera barədə məlumatlandırmaqdır.

Məktəbin kitabxanası tərəfindən VIII sinif şagirdlərinin iştirakı ilə "Dəyərlərimizi qoruyaq!" layihəsi çərçivəsində "Dəyərlərimiz filmlərdə və ədəbiyyatda" "Dədə Qorqud" filminə baxış keçirilib. Nümayiş olunan film şagirdlərin marağına səbəb oldu. Filmin nümayiş olunmasında məqsəd milli-mənəvi dəyərlərimizin qorunması və zənginləşdirilməsi, düşüncə meyillərinin gücləndirməkdir.

9 aprel 2024-cu il tarixində məktəbin kitabxanası tərəfindən "Yaşıl dünya naminə həmrəylik ili" çərçivəsində "Təbiətin arzusu" adlı intellektual yarış keçirilib. Yarış 9-cu siniflər arasında təşkil olunmuşdur. Şagirdlər 3 komandaya bölünmüşdülər. "Ulduz", "Günəş" və "Everest" komandaları verilən sualları cavablandırdılar. Sonda "Everest" komandası yarışmanın qalibi oldu.

"Yaşıl dünya naminə həmrəylik ili" çərçivəsində məktəb həyətinin yaşıllaşdırılmasına start verilib. IX sinif şagirdləri, müəllimlər məktəbin həyətyanı sahəsində müxtəlif ağaclar və güllər əkdilər. Şagirdlərə əkilən  bitkilərə qulluq edilməsi qaydaları haqqında məlumat verildi.Hər bir şagird əkilən bir ədəd ağaca qulluq etmək məsuliyyətini öz üzərinə götürüb.