181 №-li tam orta məktəb

    "Yaşıl Dünya Naminə Həmrəylik İli" şüarı altında yaşıllaşdırma işləri davam edir.

    181 nömrəli tam orta məktəbin 2ç,3c,7f,7d sinif şagirdləri gül kolları və ağaclar gətiriblər.Həyətyanı ərazi sulanaraq torpağı yumşaldıldıqdan sonra ağaclar və çiçəklər üçün yer hazırlanıb. Şagirdlər böyük həvəslə bitkiləri becərib sulayıblar. Yaşıllaşdırma işində həvəslə iştirak edən, canfəşanlıq edən şagirdlərin sevincini görməmək mümkün deyildi.Sağlam yaşam üçün bitki örtüyünün vacibliyini anlayan şagirdlər sonda öz təəssüratlarını bölüşüblər.

    181 nömrəli tam orta məktəbin Azərbaycan və Rus bölməsində təhsil alan 4-cü siniflərində tədris dili, ingilis dili və riyaziyyat fənləri üzrə monitorinq keçirilib. Şagirdlərin dinləyib-anlama, oxu və yazı vərdişlərini yoxlamaq, fənlərin ümumi tədris səviyyəsini müəyyən etmək üçün təşkil olunmuş monitorinqə xüsusi təyin olunmuş müəllimlər nəzarət ediblər.

    04.04.2024 tarixində 181 nömrəli tam orta məktəbin Azərbaycan və Rus bölməsində təhsil alan 9-cu sinifləri arasında tədris dili, ingilis dili və riyaziyyat fənləri üzrə məktəbdaxili monitorinq keçirilib. Monitorinqin keçirilməsində məqsəd fənlərin tədrisi səviyyəsinin müəyyənləşdirilməsi, şagirdlərin dinləyib-anlama, yazı və oxu bacarıqlarının ölçülməsi olub. Monitorinqə xüsusi təyin olunmuş müəllimlər nəzarət ediblər.

    Təhsil ocağımızın ibtidai sinif müəllimi Hicranə Fərzəliyevanın təşkilatçılığı və 2ç sinif şagirdlərinin iştirakı ilə"Beynəlxalq Uşaq Kitabı Günü" nə həsr olunmuş tədbir keçirilib. Tədbirdə kitab oxumanın, mütaliyənin dünyagörüşün formalaşmasında,cəmiyyətin maariflənməsində xüsusi rolundan geniş şəkildə bəhs olunub. Oxuduqları kitablar, dinlədikləri uşaq ədəbiyyatı nümunələri haqqında təəssüratlarını paylaşan şagirdlər həm də səhnəciklər, gözəl rəqs və musiqi nömrələri ilə tədbirə başqa bir gözəllik qatıblar.

    "Yaşıl Dünya Naminə Həmrəylik İli" şüarı altında yaşıllaşdırma işləri davam edir.

    181 nömrəli tam orta məktəbin rus bölməsində təhsil alan 2d sinif şagirdləri sinif rəhbəri Kərimova Bahar müəllimin təşkilatçılığı ilə məktəbin həyətyanı sahəsində gül və müxtəlif bitki kolları əkiblər. Yaşıllaşdırma işində məktəb rəhbərliyi və valideynlər də xüsusi fəallıq nümayiş etdiriblər. Əmək alətlərinə böyük həvəslə sarılan şagird-valideyn-müəllim heyəti komanda şəklində birləşərək həyətyanı sahəni alaq otlarından təmizləyiblər. Gül kollarını torpağa əkdikdən sonra ağacları və çiçəkləri sulayaraq sanki təbiətə yeni bir nəfəs bəxş ediblər.