144 №-li tam orta məktəb

Yeniyetməlik dövründə oğlanlarda baş verən fiziki, psixoemosional və davranış dəyişiklikləri ilə bağlı VIII sinif oğlanları ilə profilaktik seminar keçirildi. Seminar məktəbimizin müəllimləri E. Babayev və N. Almirzəyev tərəfindən keçirildi. Seminarda şagirdlərə yeniyetməlik dövründə cinsi yetişkənlik dövrünün xüsusiyyətləri və bununla bağlı orqanizmdə baş vermiş mürəkkəb proseslər, onların xarakterində baş vermiş xüsusi dəyişikliklər (tərslik, inadkarlıq və.s), hər hansı bir problemin həll edilməsində sərbəst qərar qəbul etməyi öyrənmələri barədə geniş məlumat verildi.

“Aprel döyüşləri göstərdi ki, bizim əsgərlərimiz, zabitlərimiz Vətən uğrunda ölümə getməyə hazırdırlar. Aprel döyüşləri bizim şanlı qələbəmizdir!” - Ali Baş Komandan İlham Əliyev

Azərbaycan xalqı hər zaman öz vətənini sevmiş, onun uğrunda hər bir qəhrəmanlığa, hər cür mübarizəyə hazır olmuş, vətəni canından əziz tutmuşdur.

Məktəbimizdə Aprel şəhidlərini anmaq məqsədilə tədbir keçirildi. Tədbir şəhidlərin ruhunu bir dəqiqəlik sükutla yad etməklə başlandı. Məktəbin GÇH müəllimi, müharibə veteranı olan Vaqif Yunisov canlı aprel döyüşlərinin iştirakçısı olmuşdur. Şagirdlərlə söhbət zamanı aprel döyüşlərindən ən təsiredici hadisələri onlarla bölüşdü. Bu anlara təsirlənməmək mümkün deyildi. Aprel döyüşlərinin tarixi əhəmiyyətini, böyük qələbəmizin başlanğıc nöqtəsi olduğunu vurğuladı.

Azərbaycanın Aprel zəfərində canından keçən qəhrəman oğullardan biri də məktəbimizin şəhid məzunu, Polkovnik-leytenant Sənan Axundov olmuşdur. Tədbir zamanı onun haqqında məlumat verildi, döyüş zamanı etdiyi qəhrəmanlıqlardan söhbət açıldı.

Tədbirin sonunda aprel döyüşlərinə həsr olunmuş videoçarxa baxıldı. Belə tədbirlərin keçirilməsi uşaqların və gənc nəslin vətənpərvər ruhda böyüməsinə xidmət edir.

Əməkdaşlıq şəraitində işləmək istər müəllim istərsə də məktəbin inkşafında mühüm amillərdən biridir.

Əməkdaşlıq dostluq çərçivəsində olduqda isə daha çox maraqlı və hər iki tərəf üçün öyrədici olur.

Bakıdan Füzulidə Mirzə Uluqbəy adına 1 nömrəli tam orta məktəbin müəllimləri ilə bu gün müzakirələr etdik, təhsil üçün daha necə faydalı ola bilərik deyə təkliflərimizi dəyərləndirdik.

Qürur duyuruq!

3 mart 2024-cü il tarixində keçirilmiş buraxılış imtahanında, ən maksimal nəticə, 300 bal toplayanR

şagirdlərin siyahısında biz də varıq

Rzabəyli Aydan Famil qızı.

Bakı şəhəri Binəqədi rayonu N.Babayev adına 144 nömrəli tam orta məktəb

Bütün məzunlarımızı əldə etdikləri uğura görə təbrik edirəm.

Buraxılış imtahanına hazırlaşan IX siniflərlə psixoloji işın təşkili. Məktəbin psixoloqu Səbinə Orucova tərəfindən IXa sinif şagirdlərinin iştirakı ilə " İmtahan həyəcanı və onunla  mübarizə formaları" mövzusunda seminar keçirilmişdir. Seminarda şagirdlərə həyəcan vəziyyəti, normaları barədə məlumat verildi. Şagirdlərə imtahan həyəcanı ilə mübarizə formaları barəsində danışıldı və bu istiqamətdə şagirdlərdə özunə inam hissinin yüksəldilməsinin zərurliyindən bəhs edildi. Eyni zamanda şagirdlərə imtahan zamanını planlamayı, mənfi düşüncələri müsbət düşüncələrə necə çevirməyi, rahatlama texnikası haqqında məlumat verildi.