128 №-li tam orta məktəb

23 aprel-Ümumdünya Kitab və Müəlliflik Hüququ Günü münasibəti ilə Azərbaycan Yazıçılar Birliyində , Birliyin sədri, Xalq yazıçısı Anarla görüş keçirilib. Görüşün keçirilməsində əsas məqsəd şagirdlərdə mütailəyə maraq oyatmaq onları ana dilinin incəlikləri, zənginliyi barədə məlumatlandırmaqdan ibarət olub. Daha sonra şagirdlər yazıçının yaradıcılığında tanış olduğu əsərlər barədə müzakirələr aparıblar, onları düşündürən sualları veriblər. Sonda xatirə şəkli çəkilib.

Məktəbin Təsərrüfat işləri üzrə direktor müavini  Kazımova Ülviyyə xanımın Qədim Şuşa torpaqlarına ziyarət etdirdiyi bayrağımız məktəbin fasadına asıldı. Bayrağı ən yüksək bal toplamış XI sinif şagirdi Musa (293) öz sinif şagirdləri ilə birlikdə (250-dən yuxarı) sancdılar. Allah şəhidlərimizə rəhmət eləsin!

Baki Şəhər Təhsil Idarəsinin IV və VI siniflərdə keçiriləcək monitorinqlərin çərçivə sənədinə uyğun olaraq 22 və 23   aprel tarixində məktəbdaxili monitorinq keçirildi.Azərbaycan dili, riyaziyyat və təbiət fənlërindən keçirilən monitorinqlərin əsas məqsədi zamanın düzgün idarə olunması, imtahan(monitorinq) stresinin azaldilması və monitorinqlə bağlı maarifləndirici işlərin həyata keçirilməsidir.

Azərbaycan Respublikasının Mədəniyyət Nazirliyi Bakı şəhər Mədəniyyət İdarəsinin dəstəyi ilə keçirilən Beynəlxalq müsabiqədə məktəbimizin 5C sinif şagirdi Kazımlı Zülfiyyə pianoda ifasına görə diplomla təltif olunmuşdur.

Biologiya müəllimləri Elmira Fərəcova və Xanım Əliyeva, tarix müəllimi Cavanşir Əliyev  "Yaşıl dünya naminə həmrəylik ili" çərçivəsində  tədbir keçirmişlər. Şagirdlərə təbiətə xüsusən işğaldan azad olan torpaqlarımıza vurulmuş zərərin aradan qaldırılması üçün görülən işlərin planlı aparılması və tez zamanda bərpası üçün 2024-cü  ilin " Yaşıl dünya naminə həmrəylik ili" adlandırıldığı bildirilmişdir. Əvvəlcə təbətimiz, ona zərər vuran faktorlar və onların arada qaldırılması üçün görülən işlərə  dair videoçarx  nümayiş olundu, sonra Elmira müəllimi bu ilin adının əhəmiyyətini vurğuladı. Cavanşir müəllim tarixi ərazilərimizdə görülən yenidənqurma işləri ilə bağlı şagirdlər ilə maarifləndirici söhbət etdi. Xanım müəllimə təbiətin ziyan görmüş  ərazilərinin təmizlənməsi üçün şagirdlərin təkliflərinin müzakirəsini təşkil etdi. Şagirdlərin təklifləri isə yaradıcı əl işləri və təsvirlərdə öz əksini tapdı.