123 №-li tam orta məktəb

    Hazırda dünyanı narahat edən aktual problemlərdən biri də erkən nikahlardır. Erkən nikahlar fərdin psixi mənəvi və bioloji cəhətdən inkişafına təsir edən,təhsildən yayındıran, sosiallaşmasına mane olan önəmli faktordur. Erkən nikahlar beynəlxalq səviyyədə uşaq istismarının bir növü hesab edilir və buna qarşı mübarizə tədbirləri həyata keçirilir. Bu məqsədlə 15.04.2024-cü il tarixdə H.Z.Tağiyev adına 123 saylı tam orta məktəbin UBTR Şəfa Orucova və Psixoloq Aygün Əsgərova 8A sinif şagirdləri ilə dəyirmi masa keçirdilər. Şagirdlərlə maraqlı söhbətlər oldu, maarifləndirici diskusiyalar keçirildi, fikir mübadiləsi aparıldı. Ümid edirik ki, bele dəyirmi masaların keçirilməsi gənc nəslin formalaşmasında böyük rol oynayacaq.

    "Yasıl dünya naminə həmrəylik ili" çərçivəsində 06.04.2024-cü il tarixdə Milli Azərbaycan Tarix Muzeyi Hacı Zeynalabdin Tağıyev adına 123 nömrəli tam orta məktəbdə ağacəkmə aksiyası keçirib. Aksiyada muzey əməkdaşları, H.Z.Tağıyev adına 123 nömrəli tam orta məktəbin müəllim və "Aqronom köməkçisi" üzrə təhsil alan şagirdləri iştirak edib.

Aksiyada şam ağacları və gül kolları əkilib, ağacların dibi yumşaldılıb.

    Milli Azərbaycan Tarix Muzeyinin əməkdaşları "Aqronom köməkçisi" ixtisası üzrə təhsil alan şagirdlər üçün ayrılan sahə ilə tanış olublar. Şagirdlərin gördükləri işləri və onlar üçün yaradılmış şəraiti yüksək qiymətləndiriblər.

    Muzeyin İnnovasiyalar və təhsil proqramları şöbəsinin müdiri Fəridə Şəmsi çıxış edərək qeyd edib ki, Ramazan bayramı ərəfəsində keçirilən bu aksiyadan sonra muzey ilə H.Z.Tağıyev adına 123 nömrəli tam orta məktəb əməkdaşlıq edəcək, müxtəlif layihələr və tədbirlər keçiriləcək.

    Məhəmməd Füzuli təkcə Azərbaycanın deyil,ümumiyyətlə şərq ədəbiyyatının ən məşhur söz ustadlarından biridir. Ümümdünya poetik fikrinin inkişaf tarixində onun ayrıca mövqeyi var. Şairin adı Honer, Ə.Firdovsi, N.Gəncəvi, Hafiz, Sədi, V.Sekspir, V.Hüqo kimi qüdrətli bədii təfəkkür bahadırları ilə yanaşı çəkilir. O, dünya söz sənətində bənzəri olmayan lirik şairdir. Füzuli ana dilimizdə yaranmış əsl lirik şeirin böyük banisi və ölməz dahisidir.

    Bu il ölməz şairin anadan olmasının 530 illik yubileyidir. Bu münasibətlə məktəbimizdə Məhəmməd Füzulinin həyat və yaradıcılığına həsr olunmuş tədbirlərə start verildi

08.04.2024-cü il tarixdə məktəbin dil ədəbiyyat müəllimi Şükürova Rəna Məhəmməd Füzulinin həyat və yaradıcılığına həsr olunmuş dəyirmi masa təşkil etdi.

    Azərbaycan müstəqilliyi, onun bərpası uğrunda qurbanlar verdiyi kimi, ərazi bütövlüyü, suverenliyi və müstəqilliyini qorumaq yolunda da mübarizə aparır, bu yolda da şəhidlər verir. Belə şərəfli günlərdən biri də Azərbaycan tarixinə Aprel döyüşləri, Aprel müharibəsi adı ilə düşüb. Dörd günlük müharibə 2016-cı il aprelin 1-dən 2-nə keçən gecə başlayıb. Bu 1994-cü ildə Azərbaycanla Ermənistan arasında imzalanan atəşkəsdən sonra ilk ən şiddətli döyüş sayılır. Döyüşlər Azərbaycan əsgərinin qələbəsi ilə nəticələnib.

Artıq o vaxtdan 8 il keçib. İşğaldan azad edilmiş Qarabağ torpağında bu gün Azərbaycan bayrağı dalğalanır. Xalqımız o günləri unutmur. Aprel döyüşləri zamanı həlak olan şəhidlərimizin xatirəsini daim əziz tutur.

    04.04.2024-cü il H.Z.Tağıyev adına 123 saylı tam orta məktəbin müəllimi Bahar Rəsulova 8d sinif şagirdləri ilə birgə Aprel döyüşlərinə həsr edilmiş tədbir təşkil etdilər.

Tədbirdə məktəb rəhbərliyi, şəhid valideynləri, Xəzər rayon Səfərbərlik və Hərbi Xidmətə Çağırış Dövlət xidmətinin nümayəndələri iştirak etdilər.

    Vətən torpağının azadlığı uğrunda,Aprel döyüşlərində canından keçmiş şəhidlərimizin əziz xatirəsini yad etmək məqsədilə 04.04.2024-cü il tarixdə H.Z.Tağıyev adına 123 saylı tam orta məktəbin UBTR-i Şəfa Orucova, kitabxanaçı Nigar Süleymanova 6d sinif şagirdləri ilə dəyirmi masa təşkil etdilər.

Kitabxanaçı Nigar Süleymanova və UBTR Şəfa Orucova şagirdlərə məktəbin məzunu olmuş Aprel döyüşlərinin şəhidi Kamran Şirəliyev haqqında məlumatlar verdilər. Şagirdləri maraqlandıran suallar ətraflı cavablandırıldı.